Հայաստանի հավաքականը սկսել է նախապատրաստությունը Կիպրոսի և Լատվիայի դեմ խաղերին․ յոթ ֆուտբոլիստ կմիանա նոյեմբերի 9-ին

Հայաստանի հավաքականը նոյեմբերի 8-ին սկսել է ուսումնամարզական հավաքը՝ նախապատրաստվելով Ազգերի լիգայի C2 խմբի վերջին հանդիպումներին Կիպրոսի և Լատվիայի դեմ։ Եղիշե Մելիքյանի գլխավորած թիմի առաջին մարզումը նախատեսված է Երևանի ժամանակով ժամը 17։30-ին։

Հավաքի առաջին օրը մարզչական շտաբը կաշխատի ոչ ամբողջական կազմով։ Յոթ ֆուտբոլիստ ազգային թիմին կմիանա նոյեմբերի 9-ին․

• Գեորգի Հարությունյան,

• Արտյոմ Բանդիկյան,

• Նաիր Տիկնիզյան,

• Էդգար Սևիկյան,

• Կառլեն Հովհաննիսյան,

• Օգնեն Չանչարևիչ,

• Ստյոպա Մկրտչյան։

Այսպիսով, հավաքականի առաջին մարզումը կանցնի առանց այս ֆուտբոլիստների մասնակցության։ Մյուս խաղացողները խմբային փուլի վերջին երկու հանդիպումների նախապատրաստությունը կսկսեն նոյեմբերի 8-ին։