Հայկական ֆիգուրիստները մեկնարկել են Օլիմպիական որակավորման մրցաշարում Պեկինում
- Հեղինակ: Vahe Hakobyan
- Sportaran
Հայաստանի ֆիգուրիստները հաջողությամբ սկսել են իրենց ելույթները Պեկինում կայացող ISU Skate to Milano Օլիմպիական որակավորման մրցաշարում, որը կտևի մինչև սեպտեմբերի 21-ը։
Զույգերի մրցաձևում Կարինա Ակոպովան և Նիկիտա Ռախմանինը կարճ ծրագրում զբաղեցրել են երրորդ տեղը՝ հավաքելով 63.85 միավոր։ Միլան-2026 Օլիմպիական խաղերի ուղեգիր նվաճելու համար նրանք պետք է ազատ ծրագրի արդյունքում հայտնվեն լավագույն հնգյակում։ Սա Ակոպովայի և Ռախմանինի առաջին պաշտոնական ելույթն է Հայաստանի հավաքականի կազմում՝ քաղաքացիության փոփոխությունից հետո։
Պարային զույգը՝ Քրիստինա Դոբրոսեդովան և Ալեսանդրո Պելեգրինին, ցույց է տվել 52.27 միավորի արդյունք և զբաղեցրել է 15-րդ հորիզոնականը։
Վաղը մրցաշարում կմեկնարկի նաև Հայաստանի մենակատար Սեմյոն Դանիելյանցը, ով կներկայացնի իր կարճ ծրագիրը։
Կանանց մենակատարների մրցումներին Հայաստանը ներկայացված չէ։ Սակայն հայկական արմատներով ռուս ֆիգուրիստ Ադելիա Պետրոսյանը կարճ ծրագրում զբաղեցրել է առաջին տեղը՝ ստանալով 68.72 միավոր։