Հայաստանի հավաքականը շարժվող թիրախի հրաձգության աշխարհի առաջնությունում նվաճեց երրորդ ոսկին
- Հեղինակ: Vahe Hakobyan
- Sportaran
Հայաստանի հավաքականը շարունակում է հաջող ելույթները շարժվող թիրախի հրաձգության աշխարհի առաջնությունում, որն անցկացվում է Տալլինում՝ 2026 թվականի հուլիսի 20-ից 26-ը։
Մրցաշարի երկրորդ օրը Հայաստանի հավաքականը ոսկե մեդալ նվաճեց տղամարդկանց թիմային պայքարում՝ «նորմալ վազք» մրցաձևում։
Աշխարհի չեմպիոններ հռչակվեցին Գոռ Խաչատրյանը, Հովհաննես Մարգարյանը և Հայկ Մինասյանը։ Հայ հրաձիգները միասին վաստակեցին 1719 միավոր՝ Հայաստանի հավաքականին պարգևելով առաջնության երրորդ ոսկե մեդալը։
Մրցումների առաջին օրը Հայաստանի մարզիկները նվաճել էին վեց մեդալ՝ երկու ոսկե, երկու արծաթե և երկու բրոնզե։
Այս պահին Հայաստանի հավաքականը երեք ոսկե մեդալով գլխավորում է աշխարհի առաջնության մեդալային հաշվարկը։ Ուկրաինայի, Գերմանիայի և Ղազախստանի հավաքականներն ունեն մեկական ոսկե մեդալ։