Պաշտոնական․ Բենին տեղափոխվել է «Արարատ-Արմենիա»
- Հեղինակ: Vahe Hakobyan
- Sportaran
«Արարատ-Արմենիան» հայտարարել է 29-ամյա պորտուգալացի հարձակողական կիսապաշտպան Բերնարդու Օլիվեյրա Դիաշի՝ Բենիի, տեղափոխության մասին։ Ֆուտբոլիստը հայկական ակումբ է տեղափոխվել անգոլական «Պետրու դե Լուանդայից»։
Բենին Լիսաբոնի «Բենֆիկայի» ակադեմիայի սան է։ Պորտուգալիայի բարձրագույն խմբում նա հանդես է եկել «Բելենենսեշի» կազմում։
Կիսապաշտպանը նաև երկու մրցաշրջան անցկացրել է Կիպրոսում՝ պաշտպանելով «Դոքսայի» գույները, իսկ մեկ մրցաշրջան խաղացել է ադրբեջանական «Արազ-Նախչըվանում»։
Նախորդ մրցաշրջանում Բենին հանդես է եկել Անգոլայի առաջնությունում։ Աֆրիկյան Չեմպիոնների լիգայում նա մասնակցել է ինը հանդիպման՝ դառնալով երեք գոլիով երեք գոլ և մեկ գոլային փոխանցման հեղինակ։
Նորեկն արդեն ընդգրկվել է «Արարատ-Արմենիայի» հայտացուցակում՝ Չեմպիոնների լիգայի որակավորման երրորդ փուլի՝ սլովենական «Ցելյեի» դեմ հանդիպումների համար։