Էդգար Սևիկյանն այս մրցաշրջանում առաջին անգամ ընդգրկվել է «Ֆերենցվարոշի» մեկնարկային կազմում

Հայաստանի ազգային հավաքականի վինգեր Էդգար Սևիկյանն ընթացիկ մրցաշրջանում առաջին անգամ ընդգրկվել է «Ֆերենցվարոշի» մեկնարկային կազմում։

Հունգարիայի առաջնության երկրորդ տուրի խաղում Սևիկյանի թիմը ոչ-ոքի՝ 0:0 հաշվով ավարտեց հանդիպումը։ Հայ ֆուտբոլիստը խաղում էր հարձակման աջ եզրում և դաշտում անցկացրեց առաջին խաղակեսը, որից հետո փոխարինվեց։

Սևիկյանի վիճակագրությունը խաղում՝

— 9 փոխանցումից՝ 8 ճշգրիտ,
— 4 դրիբլինգից՝ 1 հաջող,
— 9 մենապայքարից՝ 4 հաղթած,
— 2 վաստակած խախտում,
— 5 գնդակի վերադարձ,
— 10 կորուստ,
— 0 հարված,
— 3 փոխանցումից եզրից՝ 0 ճշգրիտ։

SofaScore վիճակագրական հարթակը Սևիկյանի խաղը գնահատել է 6,5 միավորով։

«Ֆերենցվարոշն» իր հաջորդ հանդիպումը կանցկացնի օգոստոսի 6-ին՝ Եվրոպա լիգայում մրցելով լեհական «Գուրնիկի» դեմ։