Հայտնի է Հայաստանի հավաքականի նախնական կազմը ըմբշամարտի U20 աշխարհի առաջնության համար

Հայտնի է Հայաստանի հավաքականի նախնական կազմը ըմբշամարտի մինչև 20 տարեկանների աշխարհի առաջնության համար, որը կանցկացվի Բրատիսլավայում 2026 թվականի օգոստոսի 16-ից 23-ը։

Հայաստանը հունահռոմեական ըմբշամարտում կներկայանա բոլոր տասը քաշային կարգերում։ Ազատ ոճի ըմբշամարտի մրցաշարին կմասնակցեն ութ հայ մարզիկներ, իսկ կանանց ըմբշամարտում Հայաստանը կունենա մեկ ներկայացուցիչ։

Հունահռոմեական ըմբշամարտ

• Մինչև 55 կգ — Էդգար Պետրոսյան
• Մինչև 60 կգ — Մարատ Աճեմյան
• Մինչև 63 կգ — Ալեքս Մարգարյան
• Մինչև 67 կգ — Յուրիկ Մխիթարյան
• Մինչև 72 կգ — Գոռ Խաչատրյան
• Մինչև 77 կգ — Սամվել Տերտերյան
• Մինչև 82 կգ — Վահե Օհանեսյան
• Մինչև 87 կգ — Յուրիկ Պետրոսյան
• Մինչև 97 կգ — Էրիկ Տեր-Մաթևոսյան
• Մինչև 130 կգ — Սեյրան Կիրակոսյան

2026 թվականի Եվրոպայի U20 առաջնությունում Հայաստանի հունահռոմեական ոճի ըմբշամարտի հավաքականը թիմային հաշվարկում զբաղեցրել է երկրորդ տեղը և նվաճել չորս մեդալ՝ մեկ ոսկե, երկու արծաթե և մեկ բրոնզե։

Սամվել Տերտերյանը դարձել է Եվրոպայի չեմպիոն, Էդգար Պետրոսյանն ու Ալեքս Մարգարյանը նվաճել են արծաթե մեդալներ, իսկ Յուրիկ Պետրոսյանը՝ բրոնզե։

Ազատ ոճի ըմբշամարտ

• Մինչև 57 կգ — Սաշա Պետրոսյան
• Մինչև 61 կգ — Գագիկ Ղազարյան
• Մինչև 65 կգ — Արեն Հայրապետյան
• Մինչև 70 կգ — Դավիթ Դավթյան
• Մինչև 74 կգ — Վլադիմիր Ազարյան
• Մինչև 79 կգ — Նարեկ Նիկողոսյան
• Մինչև 86 կգ — Ռազմիկ Եփրեմյան
• Մինչև 125 կգ — Հենրիկ Հայկյան

Մինչև 92 և 97 կգ քաշային կարգերում Հայաստանի ներկայացուցիչներ նախնական կազմում ընդգրկված չեն։

Եվրոպայի U20 առաջնությունում ազատ ոճի ըմբշամարտի Հայաստանի հավաքականը թիմային հաշվարկում զբաղեցրել է երրորդ տեղը։ Հայ մարզիկները նվաճել են վեց մեդալ՝ երկու արծաթե և չորս բրոնզե։

Արծաթե մեդալակիրներ են դարձել Արեն Հայրապետյանն ու Ռազմիկ Եփրեմյանը։ Բրոնզե մեդալներ են նվաճել Սաշա Պետրոսյանը, Գագիկ Ղազարյանը, Նարեկ Նիկողոսյանն ու Հենրիկ Հայկյանը։

Կանանց ըմբշամարտ

• Մինչև 50 կգ — Սերինե Դիանա Քրեյն

Եվրոպայի U20 առաջնությունում Սերինե Դիանա Քրեյնը զբաղեցրել է 14-րդ տեղը։

Նշենք, որ Հայաստանի հավաքականի հայտարարված կազմը նախնական է և կարող է փոփոխվել մինչև աշխարհի առաջնության մեկնարկը։