Գոռ Լուլուկյանը վերադարձավ «Ուրարտու»
Ֆուտբոլ
- Հեղինակ: Vahe Hakobyan
- Sportaran
«Ուրարտուն» հայտարարել է կիսապաշտպան Գոռ Լուլուկյանի վերադարձի մասին։ Ակումբի 23-ամյա սանը պայմանագիր է ստորագրել հարազատ թիմի հետ՝ 2022 թվականին հեռանալուց հետո։
Վերջին երկու մրցաշրջանները Լուլուկյանն անցկացրել է «Արարատում»։ Երևանի ակումբի կազմում կիսապաշտպանը մասնակցել է 45 հանդիպման և դարձել 3 գոլի հեղինակ։
«Ուրարտուի» համար սա ամառային տրանսֆերային պատուհանի երկրորդ պաշտոնական համալրումն է։ Ավելի վաղ ակումբը պայմանագիր էր ստորագրել ճապոնացի վինգեր Կացույուկի Իսիբասիի հետ, որի վերջին ակումբը Սինգապուրի բարձրագույն լիգան ներկայացնող «Ալբիրեքս Նիիգատան» էր։
Լուլուկյանի վերադարձը կարելի է դիտարկել որպես ակումբի խաղադրույք սեփական սանի վրա, որն արդեն Հայաստանի Պրեմիեր լիգայում հանդես գալու փորձ ունի։
Անձ:
Գոռ Լուլուկյան