Էդգար Մովսեսյանը դարձավ Երևանի «Արարատի» ֆուտբոլիստ
Ֆուտբոլ
- Հեղինակ: Vahe Hakobyan
- Sportaran
27-ամյա հարձակվող Էդգար Մովսեսյանը Կիպրոսում և Հունաստանում հանդես գալուց հետո վերադարձել է Հայաստան և պայմանագիր ստորագրել Երևանի «Արարատի» հետ։
Նախորդ մրցաշրջանը ֆուտբոլիստն անցկացրել է Կիպրոսի և Հունաստանի երկրորդ դիվիզիոններում։ Ավելի վաղ Մովսեսյանը Հայաստանի առաջնությունում հանդես է եկել «Ուրարտուի», «Նոայի» և «Վանի» կազմում։
Ընթացիկ մրցաշրջանում «Արարատը» զգալիորեն թարմացրել է կազմը։ Ակումբը հրաժեշտ է տվել հինգ լեգեոնականի՝ հիմնականում շեշտը դնելով հայ ֆուտբոլիստների վրա։
Թիմի նորեկներն են Վարազդատ Հարոյանը, Նարեկ Ալավերդյանը, Արման Խաչատրյանը, Բենիկ Հովհաննիսյանը, Պետրոս Ալեքյանը և Էդգար Մովսեսյանը։ Բացի այդ, երևանյան ակումբի կազմը համալրել է ռուս դարպասապահ Նիկիտա Լոբուսովը։
Անձ:
Էդգար Մովսեսյան