Ջանես Նազարյան. «Ուրախ եմ, որ կարողացա ուրախացնել իմ ժողովրդին և բարձր պահել մեր դրոշը»
- Հեղինակ: Vahe Hakobyan
- Sportaran
Հունահռոմեական ոճի ըմբշամարտի Մ17 տարեկանների աշխարհի կրկնակի չեմպիոն Ջանես Նազարյանը Բաքվից վերադառնալուց հետո մեկնաբանել է աշխարհի առաջնությունում տարած հաղթանակը։
«Նպատակս աշխարհի չեմպիոն դառնալն էր, և ես ձգտում էի դրան։ Մրցաշարը լավ անցավ՝ մեր ծրագրի համաձայն։ Եղան փոքր սխալներ, որոնք կարող էին խանգարել, բայց, փառք Աստծո, կարողացա հաղթահարել ամեն ինչ և հասնել նպատակիս։
Տրամադրությունս շատ բարձր է։ Ուրախ եմ, որ կարողացա ուրախացնել իմ ժողովրդին և բարձր պահել մեր դրոշը։ Հաղթանակի հարցում հարյուր տոկոսով վստահ չէի, բայց մարզիչն ինձ հանգստություն հաղորդեց, իսկ ես չէի կասկածում սեփական ուժերիս»,— ասել է Նազարյանը։
Բաքվում կայացած Մ17 տարեկանների աշխարհի առաջնության եզրափակիչում Ջանես Նազարյանը 4։3 հաշվով հաղթել է ռուսաստանցի Ասլան Ձուևին։ Այս հաղթանակով հայ ըմբիշը կարիերայում երկրորդ անգամ նվաճել է աշխարհի չեմպիոնի կոչումը։