Արարատ Ավետիսյանը Բաքվում ընթացող Մ17 աշխարհի առաջնության բրոնզե մեդալակիր է

Հունահռոմեական ոճի հայ ըմբիշ Արարատ Ավետիսյանը Բաքվում ընթացող մինչև 17 տարեկանների աշխարհի առաջնությունում նվաճեց բրոնզե մեդալ։

Մինչև 48 կգ քաշային կարգի երրորդ տեղի համար գոտեմարտում Ավետիսյանը ժամանակից շուտ՝ 8:0 հաշվով, հաղթեց Հունգարիայի ներկայացուցիչ Բենեդեկ Տոմբորին։

Այս պարգևը Հայաստանի հավաքականի առաջին մեդալն էր մրցաշարում։

Պատվո հարթակ տանող ճանապարհին Արարատ Ավետիսյանը 1/8 եզրափակիչում 14:7 հաշվով հաղթեց մեքսիկացի Հեկտոր Ագիլարին, իսկ քառորդ եզրափակիչում 9:3 հաշվով առավելության հասավ Ուզբեկստանը ներկայացնող Ջավոհիր Շարիֆբոևի նկատմամբ։

Կիսաեզրափակիչ գոտեմարտում հայ ըմբիշը 1:4 հաշվով պարտվեց Ղազախստանի ներկայացուցիչ Ալի Ալմասին, ինչից հետո բրոնզե մեդալի համար պայքարելու հնարավորություն ստացավ։

Արարատ Ավետիսյանի արդյունքները

1/8 եզրափակիչ․ Արարատ Ավետիսյան — Հեկտոր Ագիլար (Մեքսիկա)՝ 14:7
1/4 եզրափակիչ․ Արարատ Ավետիսյան — Ջավոհիր Շարիֆբոև (Ուզբեկստան)՝ 9:3
Կիսաեզրափակիչ․ Ալի Ալմաս (Ղազախստան) — Արարատ Ավետիսյան՝ 4:1
Բրոնզե մեդալի համար գոտեմարտ․ Արարատ Ավետիսյան — Բենեդեկ Տոմբոր (Հունգարիա)՝ 8:0

Այսօր Հայաստանի հավաքականից բրոնզե մեդալի համար կպայքարի նաև Վազգեն Մնացականյանը (65 կգ), իսկ վաղը Ջանես Նազարյանը (71 կգ) եզրափակիչում կգոտեմարտի ոսկե մեդալի համար։