Ալեքսանդր Կովալենկոն պաշտոնական խաղում նորամուտը նշեց «Լոկոմոտիվի» կազմում

Կիսապաշտպան Ալեքսանդր Կովալենկոն առաջին պաշտոնական հանդիպումն անցկացրեց Մոսկվայի «Լոկոմոտիվի» կազմում։

Հայաստանի ազգային հավաքականի թեկնածուն փոխարինման դուրս եկավ «Ախմատի» դեմ Ռուսաստանի Պրեմիեր լիգայի 2026/27 մրցաշրջանի առաջին տուրի հանդիպման 68-րդ րոպեին։ Ֆուտբոլիստը խաղում էր հարձակման եզրում։

Խաղադաշտում անցկացրած ժամանակահատվածում Կովալենկոն կատարեց երկու առանցքային փոխանցում և ութ ճշգրիտ փոխանցում՝ ապահովելով 100 տոկոս ճշգրտություն։ SofaScore վիճակագրական հարթակը նրա խաղը գնահատեց 6,6 միավորով։

Հանդիպումն ավարտվեց ոչ-ոքի՝ 1։1 հաշվով։ «Լոկոմոտիվը» հաշիվը բացեց արդեն ութերորդ րոպեին՝ Զելիմխան Բակաևի գոլի շնորհիվ։ Հյուրերը հավասարեցրին հաշիվը 83-րդ րոպեին․ աչքի ընկավ ՌՊԼ-ում իր նորամուտը նշող Էրալդ Մաքսուտին։

МАТЧ ПРЕМЬЕР-ի փորձագետի վարկածով հանդիպման WINLINE լավագույն խաղացող ճանաչվեց «Ախմատի» կիսապաշտպան Էգաշ Կասինտուրան։

ՌՊԼ-ի նախորդ մրցաշրջանում «Լոկոմոտիվը» նվաճել էր բրոնզե մեդալները, իսկ «Ախմատը» զբաղեցրել էր իններորդ տեղը։

Առաջնության երկրորդ տուրում «Լոկոմոտիվը» օգոստոսի 1-ին արտագնա խաղում կհանդիպի Մախաչկալայի «Դինամոյին», իսկ «Ախմատը» օգոստոսի 2-ին Գրոզնիում կընդունի Մոսկվայի «Սպարտակին»։