Ավարտվել է Ախմատ Կադիրովի հուշամրցաշարը 2026․ ազատ ոճի ըմբշամարտի մրցաշարի արդյունքները

Գրոզնիում ավարտվել է ազատ ոճի ըմբշամարտի միջազգային մրցաշարը՝ նվիրված Չեչենական Հանրապետության առաջին նախագահ, Ռուսաստանի հերոս Ախմատ Կադիրովի հիշատակին։ Մրցումներն անցկացվել են սեպտեմբերի 15–16-ը։

Մրցաշարում Հայաստանի հավաքականը ներկայացնում էին երեք ըմբիշներ, սակայն նրանցից ոչ մեկին չհաջողվեց հաղթահարել մեկնարկային փուլը։

Մինչև 61 կգ քաշային կարգում Լևիկ Միքայելյանը արդյունավետ գոտեմարտ անցկացրեց Յունուս Յուսուպովի հետ, սակայն պարտվեց 8:10 հաշվով։

Մինչև 65 կգ քաշային կարգում Հայկո Գասպարյանը հանդիպեց իրանցի Ամիր Ռեզա Թեյմուրիզադի հետ։ Գոտեմարտն ավարտվեց Իրանի ներկայացուցչի հաղթանակով՝ 6:2 հաշվով։

Հայաստանի մյուս ներկայացուցիչը՝ Արման Անդրեասյանը, հանդես էր գալիս մինչև 70 կգ քաշային կարգում։ Լարված պայքարում հայ ըմբիշը նվազագույն հաշվով պարտվեց ղազախստանցի Մաիս Ալիևին՝ 4:5։

Մրցաշարի քաշային կարգերի մեծ մասում հաղթողներ դարձան Ռուսաստանի ներկայացուցիչները։ Մինչև 97 կգ քաշային կարգում ոսկե մեդալը նվաճեց իրանցի Մահդի Խաջիլույեյան Մարաֆանը, իսկ մի շարք քաշային կարգերում պատվո հարթակ բարձրացան նաև Բելառուսի, Ղազախստանի, Ալբանիայի, Ուզբեկստանի, Ադրբեջանի և Թուրքիայի ներկայացուցիչները։

Ախմատ Կադիրովի հուշամրցաշարի արդյունքները

Մինչև 57 կգ․

1. Մուսա Մեխտիխանով (Ռուսաստան)
2. Մունխ-Էրդենե Բատխույագ (Մոնղոլիա)
3. Յունուս Յավբատիրով (Ռուսաստան), Կեժիկ Սեդեն (Ռուսաստան)

Մինչև 61 կգ․

1. Իմամ Ումարով (Ռուսաստան)
2. Ռամիզ Գամզատով (Ռուսաստան)
3. Մուսլիմ Մեխտիխանով (Ռուսաստան), Մանչաարի Իլինով (Ռուսաստան)

Մինչև 65 կգ․

1. Ադամ Արխիև (Ռուսաստան)
2. Իսլամ Գուսեյնով (Բելառուս)
3. Շատտիկ Ալայդար (Ղազախստան), Զելիմխան Աբակարով (Ալբանիա)

Մինչև 70 կգ․

1. Ազնաուր Տավաև (Ռուսաստան)
2. Մագոմեդ-Էմի Էլտեմիրով (Ռուսաստան)
3. Շահզոդբեկ Յարաշև (Ուզբեկստան), Մաիս Ալիև (Ղազախստան)

Մինչև 74 կգ․

1. Անզոր Զակուև (Ռուսաստան)
2. Գաջիմուրադ Գաջիև (Ռուսաստան)
3. Կոնստանտին Կապրինով (Ռուսաստան), Խաբիբ Զավուրբեկով (Ռուսաստան)

Մինչև 79 կգ․

1. Սաիդ Սայդուլով (Ռուսաստան)
2. Գաջիմուրադ Ալիխմաև (Ռուսաստան)
3. Ջամալ Ահմադուդինով (Ռուսաստան), Կասում Կասումով (Ռուսաստան)

Մինչև 86 կգ․

1. Աբդուլլա Ցացաև (Ռուսաստան)
2. Մագոմեդնաբի Մագոմեդով (Ռուսաստան)
3. Տուրպալ-Ալի Էլդարով (Ալբանիա), Ալպերեն Աթար (Թուրքիա)

Մինչև 92 կգ․

1. Ալան Բագաև (Ռուսաստան)
2. Շամիլ Զուբաիրով (Ադրբեջան)
3. Աբուբակար Աբակարով (Ադրբեջան), Յուսուպ-Հաջի Այդաև (Ռուսաստան)

Մինչև 97 կգ․

1. Մահդի Խաջիլույեյան Մարաֆան (Իրան)
2. Շամիլ Տամբիև (Ռուսաստան)
3. Ասխաբ Բոլտուկաև (Ռուսաստան), Ալպերեն Թոքգյոզ (Թուրքիա)

Մինչև 125 կգ․

1. Զելիմխան Խիզրիև (Ռուսաստան)
2. Մագոմեդխան Մագոմեդով (Ադրբեջան)
3. Թամերլան Կումիշև (Ռուսաստան), Մորթազա Ժանմոհամմադզադեհնամարվար (Իրան)