Յարխուշտա՝ պատմական խաղից առաջ․ Երևանում կայացավ Եվրոպայի լիգայի նախախաղային շոուն
- Հեղինակ: Vahe Hakobyan
- Sportaran
Եվրոպայի լիգայի առաջին տուրի՝ «Արարատ-Արմենիա» – Պրահայի «Սպարտա» հանդիպումից առաջ Երևանի Հանրապետական մարզադաշտում տեղի ունեցավ տպավորիչ նախախաղային շոու։
Հայաստանում Եվրոպայի լիգայի հիմնական փուլի պատմության առաջին հանդիպումը բացվեց հայկական ավանդական ժողովրդական Յարխուշտա պարի կատարմամբ։
Ազգային ներկայացումը դարձավ հայկական ֆուտբոլի համար պատմական հանդիպմանը նախորդող ծրագրի գլխավոր հատվածներից մեկը և գրավեց ոչ միայն տրիբունաներում գտնվող երկրպագուների, այլև արտասահմանյան լրագրողների ուշադրությունը։
Ելույթը գնահատեցին նաև մարզադաշտի մամուլի օթյակում գտնվող չեխ լրագրողները։
Հիշեցնենք, որ «Արարատ-Արմենիա» – Պրահայի «Սպարտա» հանդիպումը կայանում է սեպտեմբերի 16-ին Երևանում։ Հայկական ակումբի համար սա Եվրոպայի լիգայի հիմնական փուլում առաջին հանդիպումն է։
Նախախաղային շոուի տեսանյութը՝ ստորև։