Վյաչեսլավ Աֆյանը վնասվածքի պատճառով լքել է Հայաստանի Մ-21 հավաքականի ճամբարը

Երևանի «Փյունիկի» կիսապաշտպան Վյաչեսլավ Աֆյանը չի կարող շարունակել Հայաստանի երիտասարդական հավաքականի կազմում նախապատրաստվել Իտալիայի և Չեռնոգորիայի դեմ հանդիպումներին։

Ինչպես հայտնում է Հայաստանի ֆուտբոլի ֆեդերացիան, ավելի վաղ Աֆյանը լրացուցիչ հրավեր էր ստացել Արմեն Գյուլբուդաղյանցի թիմ և միացել հավաքականին։ Սակայն առաջին մարզումից հետո ֆուտբոլիստը ցավեր է զգացել։

Աֆյանը բուժզննում է անցել, որի արդյունքներով պարզվել է, որ նա չի կարող շարունակել ուսումնամարզական հավաքը Հայաստանի Մ-21 հավաքականի կազմում։

Հիշեցնենք, որ հոկտեմբերի 1-ին Հայաստանի Մ-21 հավաքականը կընդունի Իտալիայի Մ-21 հավաքականին, իսկ հոկտեմբերի 5-ին արտագնա խաղում կհանդիպի Չեռնոգորիայի Մ-21 հավաքականին։ Երկու հանդիպումներն էլ կկայանան Եվրոպայի Մ-21 առաջնության 2027 թվականի ընտրական փուլի շրջանակում։

Ավելի վաղ վնասվածքների պատճառով Հայաստանի Մ-21 հավաքականի ճամբարը լքել էին նաև Լևոն Բաշոյանը և Էդգար Պիլոյանը։