Տիգրան Բարսեղյանը խփել է «Սլովանի» չեմպիոնական գոլը

«Սլովանի» կիսապաշտպան Տիգրան Բարսեղյանը դարձել է այն գոլի հեղինակը, որը Բրատիսլավայի ակումբին վաղաժամ չեմպիոնություն է պարգևել։

Սլովակիայի առաջնության չեմպիոնական խմբի 8-րդ տուրի խաղում «Սլովանը» 1։0 հաշվով հաղթել է «Դունայսկա Ստրեդային»։ Միակ գոլը 79-րդ րոպեին խփել է Բարսեղյանը։ 32-ամյա ֆուտբոլիստի համար այս գոլը ընթացիկ մրցաշրջանում դարձել է իններորդը։

Այս հաղթանակի շնորհիվ «Սլովանը» ժամանակից շուտ ձևակերպել է չեմպիոնական տիտղոսը։

Բարսեղյանը խաղադաշտում անցկացրել է 85 րոպե և փոխարինվել վնասվածքի պատճառով։ Իր տրամադրության տակ եղած ժամանակում նա, բացի խփած գոլից, կատարել է 3 հարված, 2 առանցքային փոխանցում և SofaScore-ի վարկածով ստացել է հանդիպման ամենաբարձր գնահատականը՝ 8,5։

Հայաստանի հավաքականի նախկին ավագի համար սա «Սլովանի» կազմում կդառնա հինգերորդ անընդմեջ չեմպիոնությունը։

ԳՈԼԻ ՏԵՍԱՆՅՈՒԹԸ․