Սերգեյ Մուրադյանն Իտալիայում բուժզննում է անցնում․ նրա մասնակցությունը Հայաստանի հավաքականի նոյեմբերյան հանդիպումներին հարցականի տակ է
- Հեղինակ: Vahe Hakobyan
- Sportaran
Հայաստանի ազգային հավաքականի և Երևանի «Նոայի» 22-ամյա պաշտպան Սերգեյ Մուրադյանն այժմ գտնվում է Իտալիայում, որտեղ վնասվածքից հետո բուժզննում է անցնում մասնագիտացված կլինիկայում։
Sportaran-ի տեղեկություններով, «Նոայի» ղեկավարությունը ֆուտբոլիստին ուղարկել է Իտալիայի առաջատար մասնագիտացված կլինիկաներից մեկը՝ բուժզննում անցնելու և հետագա վերականգնողական բուժում ստանալու նպատակով։
Առաջիկա օրերին հայտնի կդառնան պաշտպանի ապաքինման հստակ ժամկետները։ Առայժմ հայտնի չէ, թե երբ Մուրադյանը կկարողանա վերադառնալ մարզումներին և խաղադաշտ։
Հիշեցնենք, որ ֆուտբոլիստը վնասվածք էր ստացել սեպտեմբերին՝ գտնվելով Հայաստանի ազգային հավաքականի ճամբարում՝ ՈւԵՖԱ-ի Ազգերի լիգայի մեկնարկից առաջ։ Վնասվածքի պատճառով պաշտպանը ստիպված էր բաց թողնել հետագա հանդիպումները։
Ընթացիկ մրցաշրջանում Մուրադյանը «Նոայի» կազմում անցկացրել է ութ հանդիպում։
Հաշվի առնելով ապաքինման ժամկետների անորոշությունը՝ Սերգեյ Մուրադյանի մասնակցությունը Հայաստանի ազգային հավաքականի նոյեմբերյան հանդիպումներին մնում է հարցականի տակ։ Վերջնական հստակություն կլինի Իտալիայում բուժզննման ավարտից հետո։
Քննարկեք նորությունները!
Անցնել մեկնաբանություններին ↓
Comments
0