Հայաստանի թենիսի հավաքականը հաղթեց Սան Մարինոյին և երկրորդ հաղթանակը տարավ Դևիսի գավաթում

Հայաստանի թենիսի հավաքականը երկրորդ հաղթանակը տարավ Դևիսի գավաթի Եվրոպական գոտու IV խմբում։ Մրցաշարն անցկացվում է Ծաղկաձորում։

Երկրորդ տուրում Հայաստանի հավաքականը 2:1 հաշվով հաղթեց Սան Մարինոյի թիմին։

Հայաստանին առաջին միավորը բերեց Դավիթ Պողոսյանը, որը վստահ հաղթանակ տարավ Լեոնարդո Բարտոլետտիի նկատմամբ՝ 6:4, 6:1։ Այնուհետև Ավետիկ Ղազարյանը պարտվեց Ֆիլիպո Տոմմեզանիին։ Հայ թենիսիստը հաղթեց երկրորդ սեթում, սակայն վնասվածքի պատճառով չկարողացավ շարունակել հանդիպումը՝ 4:6, 6:2, 0:0։

Որոշիչ դարձավ զուգախաղը, որտեղ Սամվել Աղայանը և Միքայել Ավանեսյանը 6:4, 6:3 հաշվով հաղթեցին Ֆիլիպո Տոմմեզանի / Ումբերտո Վանուչչի զույգին։ Այս հաղթանակը Հայաստանին ընդհանուր հաջողություն բերեց դիմակայությունում։

Հիշեցնենք, որ առաջին տուրում Հայաստանի հավաքականը 3:0 հաշվով հաղթել էր Անդորրային։

Հաջորդ հանդիպումը Հայաստանի հավաքականը կանցկացնի հունիսի 18-ին՝ Իսլանդիայի դեմ։ Իսլանդիայի հավաքականը նույնպես հաղթել է մեկնարկային երկու հանդիպումներում՝ Ալբանիայի և Սան Մարինոյի դեմ։

Մրցաշարային աղյուսակը երկրորդ տուրից հետո

Իսլանդիա — 2 հաղթանակ
Մալթա — 2
Հայաստան — 2
Սան Մարինո — 0
Ալբանիա — 0
Անդորրա — 0