ՊԱՇՏՈՆԱԿԱՆ․ Նորբերտո Բրիասկո Բալեկյանը՝ «Բառրակաս Սենտրալի» խաղացող

Հայաստանի ազգային հավաքականի հարձակվող Նորբերտո Բրիասկո Բալեկյանը դարձել է «Բառրակաս Սենտրալի» խաղացող։ 29-ամյա ֆուտբոլիստը «Բոկա Խունիորս»-ից տեղափոխվել է վարձակալությամբ՝ մինչև 2026 թվականի վերջը։ Վարձակալության պայմանագիրը կնքվել է առանց փոխհատուցման և առանց գնման իրավունքի։

Նոր մրցաշրջանում «Բառրակաս Սենտրալը» կմասնակցի Սուդամերիկայի գավաթին, ինչը կարևոր փուլ է լինելու թե՛ ակումբի, թե՛ ֆուտբոլիստի համար։ Ավելի վաղ հաղորդվում էր Բրիասկոյի հնարավոր տեղափոխության մասին «Խիմնասիա Մենդոսա», սակայն խաղացողը հրաժարվել է այդ տարբերակից և ընտրել է ավելի հեղինակավոր նախագիծ։

Անցած մրցաշրջանը Բրիասկոն անցկացրել է «Խիմնասիա» Լա Պլատայում։ Նրա կարիերայում նաև նշվում են ելույթներ «Ուրական»-ի կազմում, որտեղ նա նորամուտը նշել է 2016 թվականին։ Հայաստանի հավաքականի կազմում հարձակվողը անցկացրել է 18 հանդիպում՝ մասնակցելով աշխարհի առաջնության և Եվրոպայի առաջնության ընտրական փուլերին, ՈՒԵՖԱ-ի Ազգերի լիգայի խաղերին և ընկերական հանդիպումներին։

Բրիասկոն ունի լուրջ փորձ Սուդամերիկայի գավաթում.

Նշենք, որ «Բառրակաս Սենտրալ»-ում հանդես է գալիս նաև հայկական արմատներ ունեցող ֆուտբոլիստ Մաքսիմո Գարսիա Սելարայանը, ինչը ակումբի նոր մրցաշրջանին հաղորդում է հայկական երանգ։