«Նոան» հաղթեց «Սյունիքին» և ամրապնդեց առաջատարի դիրքը Հայաստանի առաջնությունում
- Հեղինակ: Vahe Hakobyan
- Sportaran
Երևանի «Նոան» Հայաստանի Պրեմիեր լիգայի 12-րդ տուրում 3:1 հաշվով հաղթեց «Սյունիքին» և մեծացրեց առավելությունը մոտակա հետապնդողի նկատմամբ։
Հանդիպման գլխավոր հերոսը սերբ հարձակվող Մարկո Լազետիչն էր, որը դարձավ դուբլի հեղինակ։ Խփած երկու գոլերի շնորհիվ ֆուտբոլիստն իր գոլերի թիվը հասցրեց 9-ի և գլխավորեց Հայաստանի առաջնության լավագույն ռմբարկուների ցուցակը։
«Նոայի» կազմում ևս մեկ գոլ խփեց Էլդեր Ֆերեյրան՝ իրացնելով 11-մետրանոց հարվածը։ Պորտուգալացի ֆուտբոլիստն այժմ ունի 8 գոլ և զբաղեցնում է ռմբարկուների ցուցակի երկրորդ հորիզոնականը՝ զիջելով միայն իր թիմակցին։
«Սյունիքի» կազմում միակ գոլի հեղինակը դարձավ Գոդվին Կալուն։
Այս հաղթանակից հետո «Նոան» վաստակեց 31 միավոր և ամրապնդեց առաջատարի դիրքը մրցաշարային աղյուսակում՝ երեք միավորի հասցնելով առավելությունը «Փյունիկի» նկատմամբ։
«Սյունիքը» մնաց 8 միավորով։