Նարեկ Հովհաննիսյանը նորամուտը նշեց լեհական «Լեխիայի» կազմում՝ Հայաստանի հավաքականի խաղերից հետո
- Հեղինակ: Vahe Hakobyan
- Sportaran
Հայաստանի ազգային հավաքականի վինգեր Նարեկ Հովհաննիսյանը իր նորամուտը նշեց լեհական «Լեխիա Գդանսկի» կազմում, որը Լեհաստանի առաջնությունում 2:1 հաշվով հաղթեց «Ստալ Ժեշուվին»։
Հայ ֆուտբոլիստը փոխարինման մտավ 71-րդ րոպեին և առաջին անգամ մասնակցեց իր նոր թիմի պաշտոնական հանդիպմանը։
Լեհաստանի Առաջին դիվիզիոնի տասը տուրերից հետո «Լեխիա Գդանսկը» զբաղեցնում է մրցաշարային աղյուսակի չորրորդ հորիզոնականը։
Հիշեցնենք, որ Հովհաննիսյանը լեհական ակումբ է տեղափոխվել Երևանի ԲԿՄԱ-ից։ Սակայն տրանսֆերից անմիջապես հետո ֆուտբոլիստը միացել էր Հայաստանի ազգային հավաքականին, որի կազմում մասնակցել էր ՈՒԵՖԱ-ի Ազգերի լիգայի սեպտեմբերյան և հոկտեմբերյան բոլոր չորս հանդիպումներին։
Այսպիսով, Հովհաննիսյանի նորամուտը «Լեխիայի» կազմում կայացավ միայն ազգային հավաքականից վերադառնալուց հետո։
Հատկանշական է, որ ձմռանը լեհական ակումբին կմիանա Հայաստանի հավաքականի ևս մեկ վինգեր՝ Արթուր Սերոբյանը։ Ֆուտբոլիստը նույնպես համաձայնության է եկել «Լեխիա» տեղափոխվելու շուրջ, սակայն մինչև ձմեռ կմնա «Արարատ-Արմենիայում»՝ օգնելու երևանյան թիմին Եվրոպա լիգայում։
Այսպիսով, մրցաշրջանի երկրորդ հատվածում «Լեխիա Գդանսկի» կազմում կարող են հանդես գալ Հայաստանի ազգային հավաքականի միանգամից երկու ֆուտբոլիստներ։