Ո՞վ է Ռաուլ Ասենսիոն՝ «Ռեալ Մադրիդի» նոր աստղը

Այսօր, մարտի 4-ին, 22-ամյա պաշտպան Ռաուլ Ասենսիոն «Ռեալ Մադրիդի» կազմում մեկնարկային կազմում դուրս եկավ Չեմպիոնների Լիգայի փլեյ-օֆֆի «Ատլետիկոյի» դեմ խաղում: Մինչ այս մրցաշրջանը մենք նրան երբեք չէինք տեսել այսպիսի բարձր մակարդակի խաղերում:

Շատերը կարող են մտածել, որ Ռաուլը նախկին «Ռեալի» ֆուտբոլիստ Մարկո Ասենսիոյի կրտսեր եղբայրն է, բայց դա այդպես չէ: Մարկո Ասենսիոն ծնվել է Պալմա դե Մալյորկա քաղաքում, իսկ Ռաուլը՝ Իսպանիայի մեկ այլ կղզային քաղաքից՝ Լաս Պալմաս դե Գրան Կանարիայից, Կանարյան կղզիներում:

Երիտասարդ պաշտպանի ամբողջական անունը Ռաուլ Ասենսիո դել Ռոսարիո է, իսկ նրա ավագ համանունը՝ Մարկո Ասենսիո Վիլեմսեն: Մարկոյի հայրը բասկ է և նույնպես ֆուտբոլիստ է եղել: Մարկոն ունի ավագ եղբայր՝ Իգորը, ով նույնպես ֆուտբոլ է խաղացել Իսպանիայի ստորին լիգաներում:

Ռաուլ Ասենսիոն ֆուտբոլային երկրպագուների ուշադրությանն արժանացավ միայն այս մրցաշրջանում, երբ հայտնվեց «Ռեալի» հիմնական կազմում՝ թիմի պաշտպանների շարքում տեղի ունեցած մի շարք վնասվածքների պատճառով: Դաշտ դուրս գալու առաջին րոպեներից նա ապացուցեց, որ պատրաստ է նման մարտահրավերների, ցուցադրելով հասուն և վստահ խաղ: Մասնագետները նշում են նրա արագությունը, ֆիզիկական ուժը և երկրորդ հարկում լավ խաղալու ունակությունը:

Ռաուլ Ասենսիոն «Ռեալ Մադրիդի» կազմում է 2017 թվականից, երբ միացավ թագավորական ակումբի ակադեմիային իր հայրենի քաղաքի թիմից՝ «Լաս Պալմասից»: Այս մրցաշրջանում նա արդեն մասնակցել է 24 հանդիպման և տվել 2 գոլային փոխանցում: