Անդրանիկ Արոյանի անվան մրցաշարի արդյունքները․ Հայաստանն ու Իրանը նվաճեցին չորսական ոսկե մեդալ

Օգոստոսի 25–26-ը Երևանում անցկացվեց 2026 թվականի Անդրանիկ Հարոյանի անվան ազատ ոճի ըմբշամարտի միջազգային մրցաշարը։ Մրցումները կայացան «Դինամո» մարզահամալիրում և համախմբեցին շուրջ 130 մարզիկների Հայաստանից, Իրանից, Վրաստանից, Մոլդովայից, Ղազախստանից և Ուկրաինայից։

Հաղթողները որոշվեցին տասը քաշային կարգերում։ Հայաստանի և Իրանի ներկայացուցիչները նվաճեցին չորսական ոսկե մեդալ, իսկ ևս մեկական բարձրագույն պարգև բաժին հասավ Ղազախստանի և Մոլդովայի ըմբիշներին։

Մրցաշարի հաղթողները

• 57 կգ — Արման Հարությունյան (Հայաստան)
• 61 կգ — Սարգիս Բեգոյան (Հայաստան)
• 65 կգ — Հայկ Աբրահամյան (Հայաստան)
• 70 կգ — Հրաչյա Մարգարյան (Հայաստան)
• 74 կգ — Ֆազլիխալիլի Ալիաքբար (Իրան)
• 79 կգ — Երխան Աբիլ (Ղազախստան)
• 86 կգ — Մոսլեմիջուայուաբրի Ամիրալի (Իրան)
• 92 կգ — Ալի Փուր Ամիր Ռեզա (Իրան)
• 97 կգ — Ռադու Լեֆտեր (Մոլդովա)
• 125 կգ — Ամավար Մորթազա (Իրան)

Հայ ըմբիշների համար Անդրանիկ Հարոյանի անվան մրցաշարը դարձավ մինչև 23 տարեկանների աշխարհի առաջնության ընտրության առանցքային փուլերից մեկը։ Աշխարհի առաջնությունը կանցկացվի Լաս Վեգասում՝ հոկտեմբերի 12-ից 18-ը։

Բացի այդ, առանձին քաշային կարգերում գորգ դուրս եկան նաև Հայաստանի ազատ ոճի ըմբշամարտի մեծահասակների հավաքականի ներկայացուցիչները։

Մրցումների արդյունքներով տանտերերը հաղթեցին չորս քաշային կարգերում՝ 57, 61, 65 և 70 կգ։ Իրանցի ըմբիշները ևս նվաճեցին չորս ոսկե մեդալ՝ 74, 86, 92 և 125 կգ քաշային կարգերում։