Գարիկ Կարապետյան՝ 2026 թվականի Եվրոպայի չեմպիոն մինչև 110 կգ քաշային կարգում

Հայ ծանրամարտիկ Գարիկ Կարապետյանը դարձել է 2026 թվականի Եվրոպայի չեմպիոն ծանրամարտի մինչև 110 կգ քաշային կարգում։

22 տարեկանում Կարապետյանն արդեն նվաճել է Եվրոպայի չեմպիոնի իր երրորդ տիտղոսը՝ հաստատելով իր դիրքը որպես համաշխարհային ծանր քաշայինների առաջատարներից մեկը։

«Պոկում» վարժությունում Գարիկը զբաղեցրել է երրորդ տեղը՝ 189 կգ արդյունքով։ «Հրում» վարժությունում նա նվաճել է փոքր ոսկե մեդալ՝ բարձրացնելով 226 կգ։ Երկամարտի հանրագումարով (415 կգ) նա զբաղեցրել է վերջնական առաջին տեղը։

Հայաստանի մյուս ներկայացուցիչը՝ Սիմոն Մարտիրոսյանը, մնացել է առանց մեդալի․

• 4-րդ տեղ պոկումում (183 կգ)
• 6-րդ տեղ հրումում (215 կգ)
• 6-րդ տեղ երկամարտի հանրագումարում (398 կգ)

110 կգ (տղամարդիկ) արդյունքներ

Պոկում

• Լուիս Լաուրետ (Ռումինիա) — 195 կգ (Եվրոպայի ռեկորդ)
• Քրիստո Քրիստով (Բուլղարիա) — 190 կգ
• Գարիկ Կարապետյան (Հայաստան) — 189 կգ

Հրում

• Գարիկ Կարապետյան (Հայաստան) — 226 կգ
• Հաս-Մագոմեդ Բալաև (Ռուսաստան) — 225 կգ
• Քրիստո Քրիստով (Բուլղարիա) — 222 կգ

Երկամարտ

• Գարիկ Կարապետյան (Հայաստան) — 415 կգ (189+226)
• Լուիս Լաուրետ (Ռումինիա) — 414 կգ (195+219)
• Քրիստո Քրիստով (Բուլղարիա) — 412 կգ (190+222)

Այս հաղթանակից հետո Հայաստանի հավաքականը մեդալային հաշվարկում բարձրանում է առաջին տեղ՝ ունենալով 2 ոսկե, 4 արծաթե և 1 բրոնզե մեդալ։

Մեդալային հաշվարկ (7 օրվա արդյունքներով)

• Հայաստան — 2 ոսկի, 4 արծաթ, 1 բրոնզ
• Բուլղարիա — 2 ոսկի, 1 արծաթ, 2 բրոնզ
• Թուրքիա — 2 ոսկի, 3 բրոնզ
• Ուկրաինա — 1 ոսկի, 1 արծաթ, 1 բրոնզ
• Մեծ Բրիտանիա — 1 ոսկի, 1 բրոնզ
• Բելգիա, Իտալիա, Ֆինլանդիա, Մոլդովա — յուրաքանչյուրն ունի 1 ոսկի

Վաղը Հայաստանի կազմում հանդես կգա նաև Վարազդատ Լալայանը, որը համարվում է +110 կգ քաշային կարգի գլխավոր ֆավորիտը։