Ջոն Ջոնսը կլինի Մոսկվայում կայանալիք IBA Bare Knuckle 5 մրցաշարի հատուկ հյուրը․ քարտում ընդգրկված են երկու մարզիկներ Հայաստանից

Հունիսի 27-ին Մոսկվայում՝ ԲԿՄԱ «Արենայում», կկայանա IBA Bare Knuckle բռնցքամարտի լիգայի հինգերորդ միջազգային մրցաշարը։ Երեկոյի գլխավոր իրադարձություններից մեկը կլինի UFC-ի լեգենդար մարտիկ Ջոն Ջոնսի մասնակցությունը, որը մրցաշարին հրավիրվել է որպես հատուկ հյուր և համահաղորդավար։

IBA Bare Knuckle #5 մրցաշարը կհամախմբի տարբեր երկրների ներկայացուցիչների և կդառնա ամռան ամենաուշագրավ իրադարձություններից մեկը բռունցքամարտի աշխարհում։ Ռինգ դուրս կգան մարզիկներ Ռուսաստանից, Հայաստանից, Ղրղզստանից, Բրազիլիայից, Տաջիկստանից, Կուբայից, Վրաստանից, Ղազախստանից, Գերմանիայից, Իտալիայից, Չեռնոգորիայից, Իրանից և Բելառուսից։

Երեկոյի գլխավոր մենամարտը կլինի Ղրղզստանի ներկայացուցիչ Սամատ Աբդըրախմանովի և ռուսաստանցի Իսլամ Կադիևի ռևանշը։ Մենամարտը կանցկացվի մինչև 77 կգ քաշային կարգում և նախատեսված է հինգ ռաունդ՝ յուրաքանչյուրը երկու րոպե տևողությամբ։ Աբդըրախմանովը WBL վարկածով բռնցքամարտի աշխարհի չեմպիոն է, իսկ Կադիևը հայտնի է որպես քիքբոքսինգի սպորտի վարպետ, «Наше Дело» գրան պրիի չեմպիոն և «Alf Reality»-ի երկրորդ եթերաշրջանի եզրափակիչի մասնակից։

Մրցաշարի համագլխավոր իրադարձությունում հանդիսատեսին սպասում է ևս մեկ ռևանշ․ կիսամիջին քաշային կարգում կմրցեն Տաջիկստանի ներկայացուցիչ Շոդրուզ Դավլատովը և ռուսաստանցի Մագոմեդ Ամագաևը։ Երկու մարզիկներն էլ մերկ բռունցքներով մենամարտերում ունեն նույն ռեկորդը՝ 8 հաղթանակ և 2 պարտություն։

Հայ երկրպագուների համար առանձնահատուկ հետաքրքրություն են ներկայացնում Հայաստանից երկու մարտիկների մասնակցությամբ մենամարտերը։ Պրոֆեսիոնալ բռնցքամարտիկ, Force լիգայի գրան պրիի չեմպիոն Տիգրան Մաթևոսյանը, որը հայտնի է «Բրուքլին» մականունով, կմրցի Ղրղզստանի ներկայացուցիչ Աբդուրախման Աբդուրախմանովի հետ։ Վերջինս «Hype Reality»-ի չեմպիոն է և բռնցքամարտի սպորտի վարպետ։ Նրանց մենամարտը կանցկացվի մինչև 70 կգ քաշային կարգում։

Հայաստանի ևս մեկ ներկայացուցիչ՝ Սերեժա Հարությունյանը, որը հայտնի է «Հայկական պայթյուն» մականունով, ռինգ դուրս կգա մեդիա աստղ, Ռուսաստանի չեմպիոն և քիքբոքսինգի սպորտի վարպետ Ֆարիդ Յադուլաևի դեմ։ Այս մենամարտը կանցկացվի մինչև 68 կգ քաշային կարգում։

Քարտում ընդգրկված են նաև ՄՄԱ-ի և մերկ բռունցքներով մենամարտերի հայտնի ներկայացուցիչների մասնակցությամբ մարտեր։ Ռուս մարտիկ Մաքսիմ Բուտորինը կմրցի բրազիլացի Ժոիլտոն Լյութերբախի՝ ՄՄԱ-ի աշխարհի հնգակի չեմպիոնի հետ։ Ինդուստրիայի ամենաճանաչված մարտիկներից մեկը՝ Թիմուր Աբդուրախմանովը, մենամարտ կանցկացնի Ալեքսանդր Պերևյազկոյի դեմ, իսկ մարտական սամբոյի աշխարհի չեմպիոն Սուլամբեկ Շահգիրիևը կմրցի կուբացի նոկաուտեր Յասել Ռեյեսի հետ։

Կազմակերպիչներն ակնկալում են, որ IBA Bare Knuckle #5-ը կդառնա խոշոր միջազգային մրցաշար՝ տարբեր մարզաձևերից՝ բռնցքամարտից, քիքբոքսինգից, ՄՄԱ-ից և մարտական սամբոյից ուժեղ մարտիկների մասնակցությամբ։

IBA Bare Knuckle #5 մրցաշարի քարտը

Սամատ Աբդըրախմանով — Իսլամ Կադիև
5 ռաունդ՝ 2 րոպե, 77 կգ

Շոդրուզ Դավլատով — Մագոմեդ Ամագաև
3 ռաունդ՝ 2 րոպե, 77 կգ

Աբդուրախման Աբդուրախմանով — Տիգրան Մաթևոսյան
3 ռաունդ՝ 2 րոպե, 70 կգ

Մաքսիմ Բուտորին — Ժոիլտոն Լյութերբախ
3 ռաունդ՝ 2 րոպե, 84 կգ

Թիմուր Աբդուրախմանով — Ալեքսանդր Պերևյազկո
3 ռաունդ՝ 2 րոպե, 84 կգ

Ֆարիդ Յադուլաև — Սերեժա Հարությունյան
3 ռաունդ՝ 2 րոպե, 68 կգ

Յասել Ռեյես — Սուլամբեկ Շահգիրիև
3 ռաունդ՝ 2 րոպե, 77 կգ

Յակով Բուկին — Մագոմեդ Աբդուրահիմով
3 ռաունդ՝ 2 րոպե, 77 կգ

Պելե Սադոյան — Բեկզատ Սաաբիր
3 ռաունդ՝ 2 րոպե, 70 կգ

Ռադովան Վուկովիչ — Ռոման Շտոլ
3 ռաունդ՝ 2 րոպե, 77 կգ

Օլեգ Ժարկով — Քեյվան Սաֆարի
3 ռաունդ՝ 2 րոպե, 84 կգ

Կոնստանտին Բելով — Ջոզեֆ Յոհան
3 ռաունդ՝ 2 րոպե, 70 կգ

Ռիկկարդո Ալեգրետտի — Ալեքսանդր Նեկրաշ
3 ռաունդ՝ 2 րոպե, 84 կգ