Դանիել Համբարձումովը գոլ է խփել «Կրասնոդարի» հիմնական թիմի կազմում
Ֆուտբոլ
- Հեղինակ: Vahe Hakobyan
- Sportaran
Հայաստանի պատանեկան հավաքականի 18-ամյա հարձակվող Դանիել Համբարձումովը գոլի հեղինակ է դարձել «Կրասնոդարի» հիմնական թիմի կազմում։
Ֆուտբոլիստը խաղադաշտ է դուրս եկել «ՊՍԿ»-ի դեմ ընկերական խաղի երկրորդ խաղակեսում և 72-րդ րոպեին իրացրել է 11-մետրանոց հարվածը։ Սա Համբարձումովի առաջին գոլն է «Կրասնոդարի» հիմնական թիմի կազմում։
Ընթացիկ մրցաշրջանում Դանիելը հիանալի արդյունավետություն է ցուցադրում «Կրասնոդարի» Մ19 թիմում։ 11 խաղում նա խփել է 10 գոլ և կատարել 9 գոլային փոխանցում։
Այս ընկերական խաղին մասնակցել է նաև «Նոայի» նախկին դարպասապահ Ալեքսեյ Պլոշչադնին։
Նշենք, որ Հայաստանի հավաքականի ավագ Էդուարդ Սպերցյանը չի մասնակցել հանդիպմանը։ Կիսապաշտպանը դեռ արձակուրդում է, որը երկարաձգվել է Հայաստանի ազգային հավաքականի հանդիպումներին մասնակցելու պատճառով։
Անձ:
Դանիել Ամբարքումով