Չորս հայ մարմնամարզիկներ դուրս եկան աշխարհի գավաթի փուլի եզրափակիչ Դոհայում
Այլ սպորտաձևեր
Հայաստանի հավաքականի բոլոր չորս ներկայացուցիչները հաջողությամբ հաղթահարել են որակավորման փուլը Դոհայում անցկացվող մարզական մարմնամարզության աշխարհի գավաթի 5-րդ փուլի շրջանակում։
Արթուր Ավետիսյանը և Վահագն Դավթյանը եզրափակիչ են դուրս եկել օղակների վարժության վրա։ Ավետիսյանը որակավորման փուլում զբաղեցրել է երկրորդ տեղը՝ 14.300 միավորով՝ զիջելով միայն Չինաստանի ներկայացուցիչ Յու Հաոյին։ Դավթյանը հավաքել է 14.000 միավոր և զբաղեցրել երրորդ հորիզոնականը։
Ձիով վարժության մրցակարգում եզրափակիչ են անցել Համլետ Մանուկյանը և Մամիկոն Խաչատրյանը։ Մանուկյանը ցուցադրել է լավագույն արդյունքը՝ 14.666 միավոր։ Խաչատրյանը զբաղեցրել է վեցերորդ տեղը՝ 14.400 միավորով։
Վաղը օպերային ցատկի որակավորման փուլում կմասնակցի Արթուր Դավթյանը։