Արսեն Ջուլֆալակյանը և Էդուարդ Սողոմոնյանը կմասնակցեն գորգանամարտի Պանամերիկյան առաջնությանը

Հայ ըմբիշներ Արսեն Ջուլֆալակյանը (77 կգ) և Էդուարդ Սողոմոնյանը (130 կգ) կմասնակցեն գորգանամարտի Պանամերիկյան առաջնությանը, որը կանցկացվի մայիսի 8-11-ը Մեքսիկայի Մոնտերեյ քաղաքում։

37-ամյա Արսեն Ջուլֆալակյանը մրցաշարին կներկայացնի Արգենտինան 77 կգ քաշային կարգում։ Նրա գլխավոր մրցակիցը կլինի ամերիկացի ըմբիշ Քամալ Բեյը։ Ջուլֆալակյանը աշխարհի չեմպիոն և Օլիմպիական խաղերի արծաթե մեդալակիր է Հայաստանի հավաքականի կազմում։ Սակայն վերջին տարիներին նա դադարեց ընդգրկվել ազգային թիմում՝ իր տեղը զիջելով Մալխաս Ամոյանին, և սկսեց հանդես գալ Արգենտինայի դրոշի ներքո։ Արսենը արդեն ներկայացրել է Արգենտինան, այդ թվում՝ փորձել որակավորվել 2024 թվականի Օլիմպիական խաղերին, բայց Պանամերիկյան ընտրական մրցաշարում պարտվեց հենց Քամալ Բեյին։

Էդուարդ Սողոմոնյանն ևս հայկական արմատներ ունի, սակայն 2012 թվականից հանդես է գալիս Բրազիլիայի հավաքականում։ Երիտասարդական մակարդակում հաջողության հասնելուց հետո նա երկար ժամանակ չէր կարողանում հաստատվել Հայաստանի մեծահասակների թիմում և ընդունեց բրազիլական ֆեդերացիայի հրավերը։ Բրազիլիայի կազմում Սողոմոնյանը մասնակցել է 2016 և 2020 թվականների Օլիմպիական խաղերին, ինչպես նաև երեք անգամ դարձել է Պանամերիկյան առաջնությունների մեդալակիր։