Արման Մուսիկյանը կպայքի բրոնզե մեդալի համար U20 ազատ ոճի ըմբշամարտի աշխարհի առաջնությունում

Հայաստանի ըմբիշ Արման Մուսիկյանը (65 կգ) իրավունք ստացավ մրցելու բրոնզե մեդալի համար U20 (2025) ազատ ոճի ըմբշամարտի աշխարհի առաջնությունում, որը ընթանում է Բուլղարիայում։ Մրցաշարի երրորդ օրվա սփոփիչ գոտեմարտում նա վստահ հաղթանակ գրանցեց։

Բրոնզի համար պայքարում Մուսիկյանը կմրցի ուկրաինացի Վիկտոր Բորոխանի հետ։ Գոտեմարտը կկայանա այսօր երեկոյան՝ եզրափակիչ բլոկում, որը կմեկնարկի Երևանի ժամանակով 19:00-ին։

Արման Մուսիկյանի արդյունքները մրցաշարում․

• 1/16 եզրափակիչ․ Արման Մուսիկյան — Քեյջ Լինդոն Բրաուն (Նոր Զելանդիա) — 10:0

• 1/8 եզրափակիչ․ Արման Մուսիկյան — Ռեջի Ուչիդա (Ճապոնիա) — 2:5

• Սփոփիչ գոտեմարտ․ Արման Մուսիկյան — Սանջարբե Ռուստամբեկով (Ուզբեկստան) — 2:2 (վերջին միավորով հաղթեց Մուսիկյանը)

Այսօր՝ օգոստոսի 19-ին, աշխարհի առաջնության երրորդ օրը, մրցագորգ դուրս կգան նաև Հայաստանի ներկայացուցիչները՝ Սարգիս Բեգոյանը (61 կգ) և Ռազմիկ Եփրեմյանը (86 կգ)։

Գոտեմարտերը կարող եք դիտել առցանց մեր Sportaran Telegram-ալիքում։