Արամայիս Հարությունյանը՝ մինչև 23 տարեկանների հունահռոմեական ըմբշամարտի Եվրոպայի չեմպիոն (ՏԵՍԱՆՅՈՒԹ)

Հայաստանի հունահռոմեական ոճի ըմբիշ Արամայիս Հարությունյանը (130 կգ) դարձել է մինչև 23 տարեկանների Եվրոպայի չեմպիոն։

2026 թվականի Եվրոպայի առաջնության եզրափակչում, որը անցկացվում է Սերբիայի Զրենյանին քաղաքում, Հարությունյանը հանդիպել է մինչև 20 տարեկանների Եվրոպայի եռակի չեմպիոն և աշխարհի մինչև 20 տարեկանների չեմպիոն Լասլո Դարաբոշի (Հունգարիա) հետ։ Գոտեմարտն ավարտվել է 1:1 հաշվով, սակայն լրացուցիչ ցուցանիշներով հաղթանակը շնորհվել է հայ ըմբիշին, ով նվաճել է մրցաշարի ոսկե մեդալը։

Եզրափակիչ ճանապարհին Հարությունյանը վստահ հաղթանակներ է տարել Լեոնարդ Յունգերի (Ավստրիա) նկատմամբ՝ 5:0, Ալեքսանդր Մելեխովի (Ռուսաստան) նկատմամբ՝ 4:1 և Իվան Յանկովսկու (Ուկրաինա) նկատմամբ՝ 6:0։

Արամայիս Հարությունյանի համար սա առաջին միջազգային մեդալն է կարիերայում, և անմիջապես՝ ոսկե։

Այսպիսով, մրցաշարում Հայաստանի հավաքականի հաշվին արդեն կա երեք մեդալ՝ ոսկե, արծաթե և բրոնզե։ Կիրակի թիմը հնարավորություն ունի ավելացնելու մեդալների քանակը․ եզրափակչում հանդես կգա Սուրեն Աղաջանյանը (60 կգ), ինչպես նաև հայ ըմբիշները կպայքարեն ևս երկու բրոնզե մեդալի համար։