Հայկ Մովսիսյանը՝ ծանրամարտի Եվրոպայի Մ15 առաջնության արծաթե մեդալակիր
- Հեղինակ: Vahe Hakobyan
- Sportaran
Հայաստանցի ծանրորդ Հայկ Մովսիսյանը արծաթե մեդալ է նվաճել մինչև 15 տարեկանների Եվրոպայի առաջնությունում, որն անցկացվում է Պրիշտինայում (Կոսովո)։
70 կգ քաշային կարգում Մովսիսյանը երկրորդ արդյունքն է ցույց տվել բոլոր երեք հաշվարկներում։ Պոկում վարժությունում Հայաստանի ներկայացուցիչը հաջողությամբ բարձրացրել է 115 և 122 կգ ու նվաճել արծաթե մեդալ։ Հրում վարժությունում Հայկը գրանցել է 130 կգ արդյունք՝ նույնպես զբաղեցնելով երկրորդ տեղը։ Այս վարժությունում չեմպիոն է դարձել Ադրբեջանի ներկայացուցիչը։
Երկամարտի 252 կգ արդյունքով Մովսիսյանը դարձել է մինչև 15 տարեկանների Եվրոպայի փոխչեմպիոն։
Մրցումներին մասնակցել է նաև Հայաստանի ներկայացուցիչ Մյասնիկ Կարապետյանը, որը հանդես է եկել մինչև 17 տարեկանների 65 կգ քաշային կարգում։ Պոկում վարժությունում նա բարձրացրել է 108 և 112 կգ, իսկ հրում վարժությունում հաջողությամբ հաղթահարել է 133 և 137 կգ։
Երկամարտում հավաքելով 249 կգ՝ Կարապետյանը զբաղեցրել է հինգերորդ տեղը։ Այս քաշային կարգում Եվրոպայի չեմպիոն է դարձել Վրաստանի ներկայացուցիչը։
Այսպիսով, այս պահին Հայաստանի հավաքականը Կոսովոյում ընթացող պատանիների Եվրոպայի առաջնությունում երկամարտում ունի երեք արծաթե մեդալ։
Մրցաշարում հայ ծանրորդների ելույթները շարունակվում են։