SPORTARAN
Հայկական սպորտային նորություններ

Գրիշա Սարգսյանը Տաշքենդում ևս երկու ոսկե մեդալ է նվաճել․ Հայաստանն արդեն 13 մեդալ ունի


Գրիշա Սարգսյանը Տաշքենդում ևս երկու ոսկե մեդալ է նվաճել․ Հայաստանն արդեն 13 մեդալ ունի
Այլ սպորտաձևեր

Հայ մարմնամարզիկները շարունակում են համալրել մեդալների հավաքածուն Ուզբեկստանի մայրաքաղաք Տաշքենդում անցկացվող սպորտային մարմնամարզության միջազգային մրցաշարում։ Գրիշա Սարգսյանը նվաճել է ևս երկու ոսկե մեդալ, իսկ Մարատ Հովհաննիսյանը դարձել է մրցաշարի բրոնզե մեդալակիր։

Հայաստանի պատանեկան հավաքականի ներկայացուցիչ Գրիշա Սարգսյանը հաղթել է զուգափայտի և պտտաձողի վարժություններում՝ դառնալով մրցաշարի ամենահաջողակ մասնակիցներից մեկը։

Վերջին արդյունքներից հետո հայ մարմնամարզիկն արդեն նվաճել է հինգ մեդալ՝ երեք ոսկե և երկու արծաթե։ Ավելի վաղ Սարգսյանը ոսկե մեդալ էր նվաճել բազմամարտում, ինչպես նաև դարձել էր արծաթե մեդալակիր ազատ վարժություններում և օղակների վրա։

Գրիշա Սարգսյանի բոլոր մեդալները Տաշքենդում․

  • ՈՍԿԻ՝ Բազմամարտ

  • ՈՍԿԻ՝ Զուգափայտ

  • ՈՍԿԻ՝ Պտտաձող

  • ԱՐԾԱԹ՝ Ազատ վարժություններ

  • ԱՐԾԱԹ՝ Օղակներ

Հայաստանի հավաքականին ևս մեկ մեդալ է բերել Մարատ Հովհաննիսյանը։ Երիտասարդական հավաքականի ներկայացուցիչը բրոնզե մեդալ է նվաճել պտտաձողի վարժության եզրափակչում։ Ավելի վաղ նա նաև արծաթե մեդալ էր նվաճել ազատ վարժություններում։

Այսպիսով, Տաշքենդում անցկացվող միջազգային մրցաշարում հայ մարմնամարզիկներն արդեն նվաճել են 13 մեդալ՝ հինգ ոսկե, հինգ արծաթե և երեք բրոնզե։

Ավելի վաղ Հայաստանի ներկայացուցիչները նույնպես հաջող ելույթներ էին ունեցել բազմամարտում, նժույգթափի, օղակների և ազատ վարժություններում։ Մրցաշարի հաղթողների թվում են նաև Ռոբերտ Գյուլումյանը և Արման Ղուկասյանը։


Telegram Sportaran

Մենք սոցիալական ցանցերում

Sportaran.com

Արտաշատ, Հայաստան

+79773129879

sportaran@gmail.com

Ընկերության մասին

Sportaran.com – ձեր հուսալի աղբյուրը Հայաստանի և աշխարհի սպորտային նորությունների համար։ Մենք ամեն օր լուսաբանում ենք ֆուտբոլի, բասկետբոլի, թենիսի, բռնցքամարտի, ըմբշամարտի, ծանրամարտի և այլ սպորտաձևերի կարևոր իրադարձությունները։ Բացառիկ հարցազրույցներ, վերլուծություններ, խաղերի արդյունքներ, ինչպես նաև թարմ ակնարկներ և ռեպորտաժներ՝ այս ամենը դուք կգտնեք մեր կայքում։ Մնացեք մեզ հետ՝ տեղեկացված լինելու համար ամենակարևոր իրադարձությունների վերաբերյալ։

Կայքից նյութերի օգտագործումը թույլատրվում է միայն ակտիվ հղումով։

© 2026 sportaran.comԲոլոր իրավունքները պաշտպանված են։ Կայքի հեղինակ՝ Վահե Հակոբյան։