Վահան Բիչախչյանը մասնակցել է Լեհաստանի Էքստրակլասայի նոր մրցաշրջանի առաջին հանդիպմանը
Ֆուտբոլ
- Հեղինակ: Vahe Hakobyan
- Sportaran
Հայաստանի ազգային հավաքականի կիսապաշտպան Վահան Բիչախչյանը մասնակցել է Լեհաստանի Էքստրակլասայի նոր մրցաշրջանի առաջին տուրի հանդիպմանը։
Վարշավայի «Լեգիան» արտագնա խաղում 1։0 հաշվով հաղթել է «Պոգոնին»։ Հանդիպման միակ գոլը 96-րդ րոպեին խփել է հյուրերի պաշտպան Արսենիչը։
Բիչախչյանը, որը մինչև «Լեգիա» տեղափոխվելը հանդես էր գալիս «Պոգոնի» կազմում, խաղադաշտ է դուրս եկել 81-րդ րոպեին։ Հատկացված ժամանակահատվածում հայ ֆուտբոլիստը կատարել է մեկ հարված և մեկ առանցքային փոխանցում։ SofaScore վիճակագրական հարթակը նրա խաղը գնահատել է 6,5 միավոր։
Այս ամռանը հաղորդվում էր, որ «Լեգիան» դիտարկում է Հայաստանի հավաքականի կիսապաշտպանին վաճառելու տարբերակը։ Սակայն վարշավյան ակումբին չի հաջողվել հավանական գնորդ գտնել, և Բիչախչյանը շարունակում է հանդես գալ թիմի կազմում։
Անձ:
Վահան Բիչախչյան