Վահան Բիչախչյանը կարող է «Լեգիայից» տեղափոխվել «Արարատ-Արմենիա»
- Հեղինակ: Vahe Hakobyan
- Sportaran
«Արարատ-Արմենիան» դիտարկում է Հայաստանի ազգային հավաքականի կիսապաշտպան Վահան Բիչախչյանի տրանսֆերը, որը հանդես է գալիս Վարշավայի «Լեգիայի» կազմում։
Այս մասին հայտնել է լեհական ակումբի նորությունների վրա մասնագիտացած ինսայդեր Օսկար Մոչնիկը։ Նրա տեղեկություններով՝ «Լեգիան» չի խոչընդոտի 27-ամյա ֆուտբոլիստի հեռանալուն, եթե արժանի առաջարկ ստանա։
Բիչախչյանի նկատմամբ հետաքրքրությունը պայմանավորված է նաև Հայաստանի առաջնության նոր կանոնակարգով։ Ակումբները չեն կարող մրցաշրջանի հայտացուցակում ընդգրկել ավելի քան 15 լեգեոնական, իսկ «Արարատ-Արմենիան» արդեն սպառել է սահմանված քվոտան։ Այդ պատճառով եվրագավաթների վճռորոշ հանդիպումներից առաջ կազմն ուժեղացնելու համար թիմին առաջին հերթին համապատասխանում են Հայաստանի քաղաքացիություն ունեցող ֆուտբոլիստները։
Ներկայում Հայաստանի չեմպիոնը հանդես է գալիս Չեմպիոնների լիգայի որակավորման երրորդ փուլում։ Առաջին խաղում «Արարատ-Արմենիան» հաղթել է սլովենական «Ցելյեին» և մոտեցել մրցաշարի փլեյ-օֆֆ փուլ դուրս գալուն։
Հայկական ակումբն արդեն ապահովել է իր մասնակցությունն առնվազն Կոնֆերենցիաների լիգայի հիմնական փուլում, սակայն շարունակում է ավելի հեղինակավոր եվրագավաթում՝ Չեմպիոնների լիգայում կամ Եվրոպայի լիգայում, հանդես գալու հնարավորությունը պահպանել։
Ավելի վաղ հաղորդվում էր, որ «Լեգիան» Բիչախչյանին տրանսֆերի է հանել։ Չնայած դրան՝ կիսապաշտպանը նոր մրցաշրջանն սկսել է վարշավյան թիմի կազմում և արդեն հասցրել է գոլային փոխանցում կատարել։