Արման Ծառուկյանի նոր մրցակիցը պաշտոնապես հայտարարվել է։ Թեթև քաշային կարգի վարկանիշի երկրորդ համարը կմենամարտի դիվիզիոնում յոթերորդ հորիզոնականը զբաղեցնող բրազիլացի Մաուրիսիո Ռուֆֆիի դեմ։

Ծառուկյան — Ռուֆֆի մենամարտը կդառնա UFC 331 մրցաշարի համագլխավոր իրադարձությունը։ Մրցաշարը կկայանա սեպտեմբերի 19-ին Լոս Անջելեսի Crypto.com Arena մարզադաշտում։ Մենամարտը նախատեսված է հինգ ռաունդի համար։

Սկզբում Ծառուկյանը պետք է հանդիպեր Չարլզ Օլիվեյրայի հետ, սակայն UFC-ի նախկին չեմպիոնը անձնական պատճառներով հրաժարվեց մենամարտից։ Բրազիլացուն փոխարինեց Ռուֆֆին, որի պրոֆեսիոնալ ռեկորդը կազմում է 14 հաղթանակ և երկու պարտություն։ Ծառուկյանի հաշվին կա 23 հաղթանակ և երեք պարտություն։ Ենթադրվում է, որ Օլիվեյրան մրցաշարից դուրս է մնացել իր ընկերոջ և UFC-ի մարտիկ Ալան Նասիմենտոյի մահվան պատճառով։

Նույն մրցաշարում հանդես կգա նաև հայկական ծագում ունեցող մեկ այլ մարտիկ՝ Էդմեն Շահբազյանը։ Նա միջին քաշային կարգում կմենամարտի բրազիլացի Բրունո Ֆերեյրայի դեմ։ Հատկանշական է, որ UFC-ն իր պաշտոնական հայտարարության մեջ առաջին անգամ Շահբազյանին ներկայացրել է Հայաստանի դրոշով։

UFC 331-ի ամբողջական մարտացանկը․ Ծառուկյան — Ռուֆֆի, Վան — Պանտոժա

UFC-ն պաշտոնապես ներկայացրել է UFC 331 մրցաշարի ամբողջական մարտացանկը։ Մրցաշարը կկայանա սեպտեմբերի 19-ին Լոս Անջելեսի Crypto.com Arena մարզադաշտում։

Երեկոյի գլխավոր իրադարձությունը կլինի ամենաթեթև քաշային կարգի տիտղոսային մենամարտը գործող չեմպիոն Ջոշուա Վանի և վարկանիշի առաջին համար Ալեքսանդրե Պանտոժայի միջև։

Համագլխավոր մենամարտում թեթև քաշային կարգի վարկանիշի երկրորդ համար Արման Ծառուկյանը կհանդիպի յոթերորդ հորիզոնականը զբաղեցնող Մաուրիսիո Ռուֆֆիի հետ։ Հինգ ռաունդանոց մենամարտը կազմակերպվել է այն բանից հետո, երբ Չարլզ Օլիվեյրան անձնական պատճառներով հրաժարվել է մասնակցությունից։

Մրցաշարում հանդես կգա նաև Էդմեն Շահբազյանը, որին UFC-ն առաջին անգամ ներկայացրել է Հայաստանի դրոշով։ Նրա մրցակիցը կլինի բրազիլացի Բրունո Ֆերեյրան։

Հիմնական քարտ

Տիտղոսային մենամարտ ամենաթեթև քաշային կարգում

Ջոշուա Վան՝ չեմպիոն — Ալեքսանդրե Պանտոժա՝ №1

Հինգ ռաունդանոց մենամարտ թեթև քաշային կարգում

Արման Ծառուկյան՝ №2 — Մաուրիսիո Ռուֆֆի՝ №7

Կիսաթեթև քաշային կարգ

Պատրիսիո Պիտբուլ՝ №15 — Չոյ Դու Հո

Թեթև քաշային կարգ

Ռենատո Մոյկանո՝ №10 — Բրայան Օրտեգա՝ №11

Կիսածանր քաշային կարգ

Ալոնզո Մենիֆիլդ՝ №14 — Իվո Բարանևսկի

Ծանր քաշային կարգ

Գեյբլ Սթիվսոն — Շոն Շարաֆ

Թեթևագույն քաշային կարգ

Մարլոն Վերա՝ №10 — Շառլ Ժուրդեն

Նախնական քարտ

Ծանր քաշային կարգ

Թայ Տուիվասա — Ռոբելիս Դեսպանյե

Միջին քաշային կարգ

Էդմեն Շահբազյան — Բրունո Ֆերեյրա

Կիսաթեթև քաշային կարգ

Գիգա Չիկաձե — Ժոանդերսոն Բրիտո

Ամենաթեթև քաշային կարգ

Քեյսի Օ’Նիլ՝ №12 — Էդուարդա Մոուրա՝ №13

Միջին քաշային կարգ

Ռայան Գանդրա — Օզի Դիաս

Կիսաթեթև քաշային կարգ

Մայքլ Ասվել կրտսեր — Յու Ջու Սան