Հայաստանի Մ19 հավաքականը պարտվեց Ուզբեկստանին երկրորդ ընկերական խաղում
Ֆուտբոլ
- Հեղինակ: Vahe Hakobyan
- Sportaran
Հայաստանի Մ19 հավաքականը անցկացրեց իր երկրորդ ընկերական հանդիպումը Ուզբեկստանի դեմ։ Սեպտեմբերի 8-ին Աբովյանում կայացած հանդիպումն ավարտվեց հյուրերի նվազագույն՝ 0:1 հաշվով հաղթանակով։
Նշենք, որ առաջին խաղում ուզբեկական թիմը ևս հաղթել էր՝ 2:1 հաշվով։
Այսպիսով՝ Միշել Ջորկաեֆի գլխավորությամբ հայկական հավաքականը կրել է արդեն հինգերորդ անընդմեջ պարտությունը՝ հաջողելով այս հանդիպումներում միայն մեկ անգամ գրավել մրցակցի դարպասը։
Չնայած արդյունքներին՝ Ուզբեկստանի հետ խաղերը դարձան կարևոր փուլ աշնանային պաշտոնական խաղերին նախապատրաստվելու ճանապարհին։ Հոկտեմբերի 8-14-ը Հայաստանի Մ19 հավաքականը կմասնակցի Եվրոպայի առաջնության որակավորման փուլին՝ հանդիպելով Գերմանիայի, Նորվեգիայի և Կոսովոյի ընտրանիներին։