Հայաստանի Մ18 հավաքականը պարտվեց Անդորրային Եվրոբասկետում

Բասկետբոլի Հայաստանի Մ18 հավաքականը պարտություն կրեց Եվրոպայի առաջնության C դիվիզիոնի երկրորդ խաղում։

Հայաստանի հավաքականը 81։89 հաշվով զիջեց Անդորրայի ընտրանուն։

Հայաստանի կազմում ամենաարդյունավետ խաղացողը Մայքլ Նշանյանն էր, որը վաստակեց 26 միավոր, կատարեց 7 անդրադարձ և 4 արդյունավետ փոխանցում։ Էդգար Աղաբեկյանը գրանցեց 17 միավոր և 8 անդրադարձ։

Հաջորդ հանդիպումը Հայաստանի հավաքականը կանցկացնի հուլիսի 23-ին՝ Կոսովոյի ընտրանու դեմ։