Հայաստանի թենիսի հավաքականը ավարտեց 2025 թվականի Դևիսի գավաթի խաղարկությունը

Հայաստանի տղամարդկանց թենիսի հավաքականը ավարտեց իր ելույթը 2025 թվականի Դևիսի գավաթում՝ հանդես գալով Եվրոպայի երրորդ խմբում։ Մրցաշարը կայացավ Սկոպյեում՝ հունիսի 10-14-ը, և հայկական թիմը գրավեց վերջին տեղը՝ կրելով հինգ պարտություն նույն՝ 0:3 հաշվով։

Հայ թենիսիստները պարտվեցին բոլոր հանդիպումներում՝ Մոնտենեգրոյի, Մալթայի, Հյուսիսային Մակեդոնիայի, Մոլդովայի և Լատվիայի դեմ։

Մրցաշարի արդյունքներով Մոնտենեգրոն, Լատվիան և Հյուսիսային Մակեդոնիան դուրս եկան փլեյ-օֆֆ՝ երկրորդ խումբ բարձրանալու համար։ Իսկ Հայաստանը և Մալթան հաջորդ տարի հանդես կգան Դևիսի գավաթի գոտիական մրցաշարերի չորրորդ խմբում։