«Նոան» դուրս եկավ Կոնֆերենցիաների լիգայի որակավորման երրորդ փուլ

Հայկական «Նոան» նվաճեց Կոնֆերենցիաների լիգայի որակավորման երրորդ փուլի ուղեգիր։

Պատասխան խաղում Սանդրո Պերկովիչի գլխավորած թիմը 2։1 հաշվով հաղթեց մոլդովական «Զիմբրուին»։ Երկու հանդիպումների արդյունքում «Նոան» առավելության հասավ 3։2 ընդհանուր հաշվով և շարունակեց պայքարը եվրագավաթում։

Հայկական թիմի կազմում գոլերը խփեցին Գոռ Մանվելյանը և Գուստավո Սանգարեն։ Գոլային փոխանցումներով աչքի ընկան Մարին Յակոլիշը և Էլդեր Ֆերեյրան։ Պատասխան խաղում «Զիմբրուի» միակ գոլը խփեց Ժոնատասը։

Աբովյանում կայացած հանդիպումն անցավ «Նոայի» առավելությամբ, սակայն խաղավերջը լարված ստացվեց։ Մոլդովական թիմը մի քանի վտանգավոր պահ ստեղծեց տանտերերի դարպասի մոտ։

Որակավորման երրորդ փուլում «Նոան» կմրցի «Սիոն» — ԲԱՏԷ զույգի հաղթողի հետ։ Այդ թիմերի միջև առաջին հանդիպումն ավարտվել է ոչ-ոքի՝ 1։1 հաշվով։

«Նոայի» կազմը․ Դանի Ֆիգեյրա — Հովհաննես Համբարձումյան (Բոակիե, 64), Սթոուն Մամբո, Նաթանիել Սենտինի, Դավիդ Սուալեհե — Գուստավո Սանգարե, Գոռ Մանվելյան (Կոստակե, 76), Տակուտո Օշիմա (Համոյան, 64) — Էլդեր Ֆերեյրա (Օդեյ, 90+3), Մարին Յակոլիշ — Մարիո Գոնսալես (Լազետիչ, 76)։