«Նոան» պայմանագիր է կնքել «Սասուոլոյի» սան Բրայան Օդդեյի հետ
- Հեղինակ: Vahe Hakobyan
- Sportaran
Հայկական «Նոա» ֆուտբոլային ակումբը հայտարարել է գանացի վինգեր Բրայան Օդդեյի տեղափոխության մասին։ 23-ամյա ֆուտբոլիստը թիմին է միացել սլովենական «Կոպերից»։
Օդդեյը ձախլիկ ֆուտբոլիստ է, որը հիմնականում հանդես է գալիս աջ վինգերի դիրքում։ Նրա հասակը 175 սմ է, իսկ տրանսֆերային արժեքը գնահատվում է 200 հազար եվրո։
Գանացի ֆուտբոլիստը իտալական «Սասուոլոյի» ակադեմիայի սան է։ Ակումբի հիմնական թիմի կազմում նա Ա Սերիայում անցկացրել է 7 հանդիպում և կատարել 2 գոլային փոխանցում։ Օդդեյը նաև 11 հանդիպում է անցկացրել Բ Սերիայում։
Վերջին մրցաշրջանը ֆուտբոլիստն անցկացրել է Սլովենիայի առաջնությունում։ «Կոպերի» կազմում նա մասնակցել է 19 հանդիպման, խփել 2 գոլ և կատարել 2 գոլային փոխանցում։
Օդդեյն արդեն «Նոայի» կազմում մասնակցել էր Սլովենիայում անցկացված ուսումնամարզական հավաքին։ Ստուգողական հանդիպումներից մեկում գանացի վինգերը գոլ էր խփել ռումինական ՉՖՌ Կլուժի դարպասը։