Միգել Ռաջանին դարձել է «Ուրարտուի» նոր ֆուտբոլիստը
Ֆուտբոլ
- Հեղինակ: Vahe Hakobyan
- Sportaran
Պորտուգալացի հարձակվող Միգել Ռաջանին կարիերան կշարունակի Երևանի «Ուրարտուում»։
23-ամյա ֆուտբոլիստը հայկական ակումբ է տեղափոխվել «Լեյշոյշի» երիտասարդական թիմում անցկացրած հաջող մրցաշրջանից հետո։ Պորտուգալիայի U23 առաջնության 30 խաղում Ռաջանին խփել է 22 գոլ և կատարել երեք գոլային փոխանցում։
«Ուրարտուի» նորեկի հիմնական դիրքը կենտրոնական հարձակվողն է, սակայն նա կարող է խաղալ նաև հարձակման աջ եզրում։
Պորտուգալացի ֆուտբոլիստի հասակը 174 սմ է, իսկ տրանսֆերային արժեքը գնահատվում է 100 հազար եվրո։
Ռաջանին «Պորտուի» ակադեմիայի սան է։ Պատանեկան մակարդակում նա հանդես է եկել նաև «Բոավիշտայի» և «Ֆամալիկանի» թիմերում։