Մարատ Գրիգորյանը հաղթեց Մամուկա Ուսուբյանին և դուրս եկավ ONE SAMURAI մրցաշարի կիսաեզրափակիչ
- Հեղինակ: Vahe Hakobyan
- Sportaran
Հայ քիքբռնցքամարտիկ Մարատ Գրիգորյանը (71-14-1, 1 NC) հաղթանակ է տարել Ռուսաստանը ներկայացնող եզդի մարզիկ Մամուկա Ուսուբյանի (24-3) նկատմամբ։
Մենամարտը կայացել է Բանգկոկում՝ ONE #TheInnerCircle25 մրցաշարի շրջանակում և տևել է նախատեսված ամբողջ ժամանակը։ Մենամարտի ավարտին մրցավարները միաձայն հաղթանակը շնորհել են Գրիգորյանին։
Այս արդյունքի շնորհիվ հայ մարզիկը դուրս է եկել ONE SAMURAI-ի փետուր քաշային կարգի քիքբռնցքամարտի մրցաշարի կիսաեզրափակիչ և շարունակում է պայքարը գլխավոր մրցանակի համար։
Մրցաշարի գլխավոր ինտրիգներից մեկը շարունակում է մնալ Գրիգորյանի և թայլանդական աստղ Սուպերբոն Բանչամեկի հնարավոր նոր հանդիպումը։ Մարզիկներն արդեն երեք անգամ մենամարտել են միմյանց դեմ, ուստի նոր դիմակայությունը կարող է դառնալ նրանց մրցակցության չորրորդ գլուխը։
Սուպերբոնի հետ հնարավոր մենամարտին հասնելու համար Գրիգորյանին դեռ անհրաժեշտ է հաջողությամբ հաղթահարել մրցաշարի հաջորդ փուլերը։