«Նոա» — «Սիոն» հանդիպման տեսությունը․ չորս գոլ և երկու հեռացում
- Հեղինակ: Vahe Hakobyan
- Sportaran
Հայկական «Նոան» և շվեյցարական «Սիոնը» ոչ-ոքի խաղացին Կոնֆերենցիաների լիգայի որակավորման երրորդ փուլի առաջին հանդիպումում։ Աբովյանում կայացած խաղն ավարտվեց 2։2 հաշվով։
«Նոան» երկու անգամ առաջ անցավ Էլդեր Ֆերեյրայի և Գոռ Մանվելյանի գոլերի շնորհիվ։ Հյուրերի կազմում աչքի ընկան Ուինսլի Բոտելին և Իլյաս Շուարեֆը։
Հանդիպումն առանձնացավ նաև երկու հեռացումով։ 26-րդ րոպեին կարմիր քարտ ստացավ «Սիոնի» պաշտպան Նիաս Հեֆտին, իսկ երկրորդ խաղակեսում խաղադաշտը ժամանակից շուտ լքեց «Նոայի» ֆուտբոլիստ Սթոուն Մամբոն։
Չնայած երկար ժամանակ թվային առավելությամբ խաղալուն և երկու անգամ հաշվի մեջ առաջ անցնելուն՝ հայկական թիմը չկարողացավ պահպանել հաղթական արդյունքը։ Դիմակայության ելքը կորոշվի պատասխան հանդիպման ժամանակ, որը կկայանա օգոստոսի 13-ին Շվեյցարիայում։
Ձեր ուշադրությանն ենք ներկայացնում «Նոա» — «Սիոն» հանդիպման տեսանյութը։