Քոլբի Քովինգթոնը հաղթեց Արման Ծառուկյանին և դարձավ RAF Crossover-ի առաջին չեմպիոնը
- Հեղինակ: Vahe Hakobyan
- Sportaran
Ամերիկացի խառը մենամարտերի մարտիկ Քոլբի Քովինգթոնը Միլուոկիում կայացած RAF 11 մրցաշարում հաղթեց Արման Ծառուկյանին և նվաճեց RAF Crossover-ի չեմպիոնական գոտին։
Լարված գոտեմարտն ավարտվեց Քովինգթոնի՝ 5:3 հաշվով հաղթանակով։ Ամերիկացին դարձավ RAF Crossover տիտղոսի պատմության առաջին կրողը։
Այս չեմպիոնական գոտին ստեղծվել է հատուկ այլ մարզաձևերի հայտնի ներկայացուցիչների համար, որոնք ակտիվորեն հանդես են գալիս RAF Wrestling լիգայում։
Ծառուկյանի համար սա առաջին պարտությունն էր RAF-ի շրջանակում։ Մինչև Միլուոկիի մրցաշարը Հայաստանի ներկայացուցիչը հաղթել էր լիգայում անցկացրած իր բոլոր յոթ գոտեմարտերում։ Այժմ նրա հաշվին կա յոթ հաղթանակ և մեկ պարտություն։
Քովինգթոնը, իր հերթին, RAF-ում շարունակում է անպարտելի ելույթները։ Ամերիկացին լիգայում անցկացրած չորս գոտեմարտերում տարել է չորս հաղթանակ։