Ինչպես և որտեղ դիտել ըմբշամարտի Մ17 աշխարհի առաջնությունը․ առցանց հեռարձակում

Այսօր՝ հուլիսի 27-ին, Ադրբեջանի մայրաքաղաք Բաքվում մեկնարկում է մինչև 17 տարեկան մարզիկների ըմբշամարտի աշխարհի առաջնությունը։ Մրցաշարը կշարունակվի մինչև օգոստոսի 2-ը։ Մեդալների համար կպայքարեն հունահռոմեական, կանանց և ազատ ոճի ըմբշամարտի ներկայացուցիչները։

Մ17 աշխարհի առաջնության ուղիղ հեռարձակումները հասանելի կլինեն United World Wrestling-ի պաշտոնական UWW+ հարթակում։ Հեռարձակումները դիտելու համար անհրաժեշտ է բաժանորդագրվել ծառայությանը։

ՀՈՒՆԱՀՌՈՄԵԱԿԱՆ ԸՄԲՇԱՄԱՐՏԻ Մ17 ԱՇԽԱՐՀԻ ԱՌԱՋՆՈՒԹՅԱՆ ԱՌՑԱՆՑ ՀԵՌԱՐՁԱԿՈՒՄ

Հեռարձակումները հնարավոր կլինի անվճար դիտել նաև հետևյալ հարթակներում․

• VK-ի UWW TV ալիքում՝ առանց մեկնաբանի,

• Sportaran-ի տելեգրամյան ալիքում, որտեղ հատուկ ուշադրություն է դարձվելու հայ ըմբիշների ելույթներին։

Թարմ հղումները կհրապարակվեն մեր ՏԵԼԵԳՐԱՄՅԱՆ ԱԼԻՔՈՒՄ։

Մրցումների առաջին օրը գորգ դուրս կգան հունահռոմեական ոճի ըմբիշները՝ մինչև 48, 55, 65, 80 և 110 կգ քաշային կարգերում։

Հունահռոմեական ըմբշամարտի Մ17 աշխարհի առաջնության վիճակահանության արդյունքներին կարելի է ծանոթանալ այստեղ։ Մարզիկների՝ գորգ դուրս գալու հերթականությունը հասանելի է arena.uww.org կայքում։

Ազատ ոճի ըմբշամարտի մրցումները կմեկնարկեն հուլիսի 31-ին, իսկ վիճակահանությունը կկայանա մեկ օր առաջ՝ հուլիսի 30-ին։