Չեմպիոնների լիգա․ հայտնի են 2026/27 մրցաշրջանի որակավորման երրորդ փուլի զույգերը

Շվեյցարական Նիոն քաղաքում հուլիսի 20-ին կայացավ Չեմպիոնների լիգայի 2026/27 մրցաշրջանի որակավորման երրորդ փուլի վիճակահանությունը։

Վիճակահանության արդյունքում իր հնարավոր մրցակցին իմացավ Հայաստանի չեմպիոն «Արարատ-Արմենիան»։ Եթե հայկական ակումբը հաղթահարի իռլանդական «Շեմրոկ Ռովերսի» արգելքը երկրորդ որակավորման փուլում, ապա երրորդ փուլում կխաղա Ալբանիայի «Էգնատիայի» և Սլովենիայի «Ցելեի» զույգի հաղթողի դեմ։

Չեմպիոնների լիգայի որակավորման երրորդ փուլի բոլոր զույգերը․

Չեմպիոնների ուղի

• «Արարատ-Արմենիա» (Հայաստան) / «Շեմրոկ Ռովերս» (Իռլանդիա) — «Էգնատիա» (Ալբանիա) / «Ցելե» (Սլովենիա)
• «Լևսկի» (Բուլղարիա) / «Ունիվերսիտատյա Կրայովա» (Ռումինիա) — «Օմոնիա» (Կիպրոս) / «Կայրաթ» (Ղազախստան)
• «Դինամո» Զագրեբ (Խորվաթիա) / «Թյուն» (Շվեյցարիա) — «Կլակսվիկ» (Ֆարերյան կղզիներ) / «Կաունո Ժալգիրիս» (Լիտվա)
• «Աարհուս» (Դանիա) / «Լեխ» (Լեհաստան) — «ԿուՊՍ» (Ֆինլանդիա) / «Սաբահ» (Ադրբեջան)
• «Վիկինգուր» (Իսլանդիա) / «Հապոել» Բեեր-Շևա (Իսրայել) — «Լարն» (Հյուսիսային Իռլանդիա) / «Ցրվենա Զվեզդա» (Սերբիա)
• «Մյելբյու» (Շվեդիա) / «Լինքոլն Ռեդ Իմպս» (Ջիբրալթար) — «Իբերիա 1999» (Վրաստան) / «Սլովան Բրատիսլավա» (Սլովակիա)

Լիգայի ուղի

• «Ֆեներբահչե» (Թուրքիա) / «Գուրնիկ» Զաբժե (Լեհաստան) — «Շտուրմ» (Ավստրիա) / «Հարթս» (Շոտլանդիա)
• «Օլիմպիակոս» (Հունաստան) — ՆԵԿ (Նիդերլանդներ)
• «Յունիոն Սենտ-Ժիլուազ» (Բելգիա) — «Բուդյո/Գլիմտ» (Նորվեգիա)
• «Սպարտա Պրահա» (Չեխիա) — «Լիոն» (Ֆրանսիա)

Չեմպիոնների լիգայի որակավորման երրորդ փուլի հանդիպումները կկայանան 2026 թվականի օգոստոսին։ Զույգերի հաղթողները կշարունակեն պայքարը մրցաշարի փլեյ-օֆֆ փուլի ուղեգրի համար։