Ֆին Գերագուսյանը մասնակցել է «Լիվերպուլի» դեմ ընկերական հանդիպմանը
- Հեղինակ: Vahe Hakobyan
- Sportaran
Հայաստանի հավաքականի 18-ամյա հարձակվող Ֆին Գերագուսյանը մասնակցել է ԱՄՆ-ում անցկացվող նախամրցաշրջանային հավաքի շրջանակում կայացած «Սանդերլենդ» — «Լիվերպուլ» ընկերական հանդիպմանը։
Գերագուսյանը խաղադաշտ է դուրս եկել ընդմիջումից հետո և ամբողջ երկրորդ խաղակեսն անցկացրել է աջ եզրային հարձակվողի դիրքում։ Ֆուտբոլիստը կատարել է մեկ առանցքային փոխանցում և SofaScore վիճակագրական հարթակից ստացել 6.1 գնահատական։
Նեշվիլի GEODIS Park մարզադաշտում կայացած հանդիպումն ավարտվել է «Լիվերպուլի»՝ 4։2 հաշվով հաղթանակով։
Առաջին խաղակեսից հետո հաշիվը հավասար էր՝ 1։1։ Երկրորդ խաղակեսի սկզբում Թիմուր Տուտիերովի գոլի շնորհիվ «Սանդերլենդն» առաջ է անցել, սակայն հետագայում մերսիսայդյան ակումբը երեք գոլ է խփել և հաղթանակ տարել։
Սա «Սանդերլենդի» առաջին ստուգողական հանդիպումն էր ԱՄՆ-ում անցկացվող նախամրցաշրջանային շրջագայության ընթացքում։