Էլինա Ավանեսյանը հաղթեց Զագրեբի ITF W100 մրցաշարում
- Հեղինակ: Vahe Hakobyan
- Sportaran
Հայաստանը ներկայացնող թենիսիստուհի Էլինա Ավանեսյանը դարձավ Զագրեբում կայացած ITF W100 մրցաշարի հաղթող։ Գրունտային մրցաշարի եզրափակչում 23-ամյա մարզուհին վստահ հաղթանակ տարավ Շվեդիան ներկայացնող Կայսա Ռինալդո Պերսոնի նկատմամբ։
WTA դասակարգման աղյուսակում 281-րդ տեղը զբաղեցնող Ավանեսյանը մրցակցին լուրջ շանսեր չտվեց և հաղթեց երկու սեթում՝ 6:1, 6:3 հաշվով։ Ռինալդո Պերսոնը մրցաշարից առաջ աշխարհի դասակարգման աղյուսակում զբաղեցնում էր 240-րդ տեղը։
Էլինայի համար այս տիտղոսը դարձավ արդեն վեցերորդը ITF մակարդակում։ Վերջին անգամ հայ թենիսիստուհին այս շարքի մրցաշարում հաղթել էր 2023 թվականին։
Զագրեբում տարած հաղթանակը կարևոր հաջողություն դարձավ Ավանեսյանի համար Հայաստանի հավաքականում ելույթից առաջ։ Արդեն վաղը Էլինան կմեկնարկի Բիլի Ջին Քինգի գավաթում, որտեղ հանդես կգա ազգային հավաքականի կազմում։