Արսեն Բալայանը բրոնզե մեդալ է նվաճել ազատ ոճի ըմբշամարտի Ռուսաստանի առաջնությունում

Կալինինգրադը ներկայացնող ազատ ոճի ըմբիշ Արսեն Բալայանը մինչև 86 կգ քաշային կարգում դարձել է Ռուսաստանի առաջնության բրոնզե մեդալակիր։

Բրոնզե մեդալի համար գոտեմարտում 23-ամյա մարզիկը ժամանակից շուտ՝ 10:0 հաշվով, հաղթել է Դաղստանը ներկայացնող Մագոմեդնաբի Մագոմեդովին։

Դեպի կիսաեզրափակիչ ճանապարհին Բալայանը հաղթել է երեք գոտեմարտում։ 1/16 եզրափակիչում նա 9:2 հաշվով հաղթել է Ստավրոպոլի երկրամասը ներկայացնող Աբդուլ Նազիր Ուստարովին, ապա 4:0 հաշվով առավելության հասել Դաղստանի ներկայացուցիչ Մուսլիմ Շամսուդինի նկատմամբ։

Քառորդ եզրափակիչում Կալինինգրադի ըմբիշը 5:1 հաշվով հաղթել է Դաղստանը ներկայացնող ևս մեկ մարզիկի՝ Մագոմեդ Դիբիրին։

Կիսաեզրափակիչում Արսեն Բալայանը 0:2 հաշվով պարտվել է Եվրոպայի եռակի չեմպիոն, Խանտի-Մանսիական ինքնավար օկրուգը ներկայացնող Արթուր Նայֆոնովին։ Այս պարտությունը նրան թույլ չի տվել դուրս գալ եզրափակիչ և պայքարել 2026 թվականի աշխարհի առաջնության համար Ռուսաստանի հավաքականի կազմում ընդգրկվելու հնարավորության համար։

Մինչև 86 կգ քաշային կարգի եզրափակիչում Արթուր Նայֆոնովը մրցել է Դաղստանը ներկայացնող Իբրահիմ Կադիևի հետ։