Արսեն Հարությունյանը RAF Wrestling-ում երկրորդ գոտեմարտը կանցկացնի NCAA-ի փոխչեմպիոնի դեմ
- Հեղինակ: Vahe Hakobyan
- Sportaran
Ազատ ոճի ըմբիշ Արսեն Հարությունյանը երկրորդ գոտեմարտը կանցկացնի Real American Freestyle պրոֆեսիոնալ լիգայում։
Եվրոպայի քառակի չեմպիոնի մրցակիցը կլինի ամերիկացի Բեն Դավինոն։ Գոտեմարտը տեղի կունենա հուլիսի 18-ին՝ Վիսկոնսին նահանգի Միլուոքի քաղաքում կայանալիք RAF 11 մրցաշարի շրջանակում։ Մրցաշարը կընդունի UW–Milwaukee Panther Arena-ն։
Հարությունյանի և Դավինոյի գոտեմարտը տիտղոսային կլինի մինչև 135 ֆունտ՝ մոտ 61 կգ քաշային կարգում։
Դավինոյի համար սա կլինի առաջին ելույթը RAF լիգայում։ Օհայոյի պետական համալսարանի ներկայացուցիչը 2026 թվականին դարձել է Big Ten կոնֆերանսի չեմպիոն և հասել NCAA-ի առաջնության մինչև 133 ֆունտ քաշային կարգի եզրափակիչ՝ նվաճելով արծաթե մեդալ։
Արսեն Հարությունյանը RAF-ում նորամուտը նշել է հունիսի 14-ի գիշերը՝ Երևանի ժամանակով։ Սենթ Լուիսում անցկացված RAF 10 մրցաշարում հայ ըմբիշը 14։4 հաշվով ժամանակից շուտ հաղթել է Քալեբ Սմիթին։
Լիգայի պաշտոնական վիճակագրության համաձայն՝ Հարությունյանն ունի մեկ հաղթանակ և դեռ չի կրել պարտություն։
RAF 11 մրցաշարի գլխավոր իրադարձությունում Արման Ծառուկյանը կգոտեմարտի UFC-ի չեմպիոնական գոտու նախկին հավակնորդ Քոլբի Քովինգթոնի դեմ։ Մրցաշարը տեղի կունենա հուլիսի 18-ին Միլուոքիում։