Հայաստանը հաստատել է մասնակցությունը Բաքվում կայանալիք Մ17 աշխարհի առաջնությանը և ներկայացրել հունահռոմեական ոճի ամբողջական կազմը

Հայաստանի ըմբշամարտի ֆեդերացիան պաշտոնապես հաստատել է ազգային հավաքականի մասնակցությունը Մ17 տարեկանների աշխարհի առաջնությանը, որը կանցկացվի Բաքվում հուլիսի 27-ից օգոստոսի 2-ը։

Հունահռոմեական ոճի մրցաշարում Հայաստանի հավաքականը ներկայացված կլինի ամբողջական կազմով՝ բոլոր տասը քաշային կարգերում։

45 կգ Վազգեն Վարդանյան

48 կգ Արարատ Ավետիսյան

51 կգ Գևորգ Հարությունյան

55 կգ Գեղամ Եղիազարյան

60 կգ Արտուշ Պետրոսյան

65 կգ Վազգեն Մնացականյան

71 կգ Ջանես Նազարյան

80 կգ Վահե Հովեյան

92 կգ Ալեքսան Շալջյան

110 կգ Խաչիկ Խաչատրյան

Բաքու կմեկնեն Հայաստանի հունահռոմեական ոճի լավագույն երիտասարդ ըմբիշները։ Վերջերս Հայաստանի հավաքականը Մ17 Եվրոպայի առաջնությունում նվաճել էր յոթ մեդալ՝ երկու ոսկե, երկու արծաթե և երեք բրոնզե։

Ազատ ոճի հավաքականի կազմը մնացել է անփոփոխ։ Հայաստանը կներկայացնեն ազգային առաջնությունում երկրորդ և երրորդ տեղերը զբաղեցրած վեց մարզիկներ։

Մինչև 51 կգ․ Մուրադ Ղարիբյան
Մինչև 55 կգ․ Դավիթ Բալեյան
Մինչև 60 կգ․ Գրիշա Գևորգյան
Մինչև 65 կգ․ Էրիկ Պապիկյան
Մինչև 71 կգ․ Վարուժան Ասլանյան
Մինչև 80 կգ․ Վաչե Ասլանյան

Ավելի վաղ Ըմբշամարտի համաշխարհային միության՝ UWW-ի պաշտոնական կայքում հրապարակվել էր Հայաստանի նախնական հայտը, որում ընդգրկված էին միայն ազատ ոճի ըմբիշներ։ Նրանցից ոչ մեկը չէր մասնակցել Մ17 Եվրոպայի առաջնությանը և չէր դարձել Հայաստանի վերջին առաջնության հաղթող, ուստի այդ կազմը փաստացի համարվում էր պահեստային։

Նախնական հայտում Հայաստանի հունահռոմեական ոճի ըմբիշները բացակայում էին։ Այժմ Հայաստանի ըմբշամարտի ֆեդերացիան հաստատել է ոչ միայն հավաքականի մեկնումն Ադրբեջան, այլև հունահռոմեական ոճի ամբողջական կազմի մասնակցությունը։

Մ17 աշխարհի առաջնությունը Բաքվում կմեկնարկի հուլիսի 27-ին։